Advertisement

黃宗澤擇偶謝絕小鳥依人 將男神封盤要先過呢一關

本地
2023.03.25

snapinsta-app_196932632_870421156843191_3562192129744733343_n_1080

黃宗澤(Bosco)接受雷霆881商業一台《星光背後》專訪,透露2008年踩過界做歌手非自己意願,他說:「係唔知點解做咗歌手,年輕時唔輪到我話事,樂小姐話幫我出歌,個個小生花旦都出,你叫我乜就做。」他更指當年兼顧拍劇,根本無暇兼顧唱歌,「拍劇根本沒時間,得三日時間要學識又跳又唱,試過中環拍一首MV,排舞師即場教即學即拍。」

黃宗澤接受梁泰來主持的《星光背後》訪問
黃宗澤接受梁泰來主持的《星光背後》訪問

 

Bosco於2009年的勁歌頒獎禮,因為被抽中與陳奕迅合唱《K歌之王》,被網友嘲諷至今,他說:「無端端live對住Eason唱喎,壓力大到黐線頂硬上,又未練過首歌,嗰次離台mon又好遠,根本靠估聽唔到自己唱乜,我仲同Eason講:『幫幫忙帶下,真係唔熟。』Eason仲話:『得!放心啦!』你哋睇唔到我手心濕晒、壓力大到出晒汗!」遭網絡欺凌多年,但Bosco並沒有介懷,「我唔係靠唱歌搵食,又無學過,有瑕疵正常。從來唔覺得被bully,至今仍然記得,幾開心吖!之後仲有人搵我二次創作錄多一首《發夢之王》拍廣告,佢哋事前仲問我介唔介意?點會介意!好玩添!真係唔需要唔開心,至今有件事令人記得你。」

p090103b300

成長於單親家庭的Bosco,出名孝順人緣好,投資有道開食肆又被喻為絕世好老闆,看到同輩的林峯早已成家立室,吳卓羲亦傳聞有另一半,他不會羨慕:「又冇咩,我有好多朋友,又咁忙,過時過節都唔寂寞,會有好多人喺屋企開派對。」他更坦言由細到大都沒有憧憬成家,「或者因為我受單親家庭成長影響,完全冇呢個畫面或概念,從小到大也沒諗過幾多歲結婚或者要生幾多個小朋友,完全沒有!」至於媽媽有沒有催他早些成家立室,Bosco說:「都冇!從來冇催促我呢件事。」他更突然自爆:「要做我女朋友?過咗我阿媽嗰關先講啦!哈!佢不知趕走咗幾多個啦……哎呀!我講咗啲乜!哎呀!哈哈!」

要將黃宗澤封盤,首先要過黃媽媽呢一關
要將黃宗澤封盤,首先要過黃媽媽呢一關

Bosco談到擇偶條件,即回復正經,「首先佢唔可以介意我做呢一行,因為必定會成為焦點俾人影;其次,我唔鍾意太嗲或小鳥依人,我鍾意識得照顧自己嘅女仔;仲有,我愛整齊,譬如我屋企洗手間嘅護膚品,我會擺放到一絲不苟,好似display一樣,好介意人哋整亂我啲嘢,一被人整亂,我就發忟;其實我返到屋企,係鍾意靜好少講嘢,睇吓邊個咁唔好彩識到我。」

看到兄弟成家立室或有另一半,黃宗澤不心急結婚,媽媽亦沒有向他催婚。
看到兄弟成家立室或有另一半,黃宗澤不心急結婚,媽媽亦沒有向他催婚。

Bosco予人感覺已很久沒有拍拖,原來他只是將感情低調處理,他說:「其實中間我都有識女朋友,只不過大家冇發現。但依家我唔敢主動啦,好怕識新朋友,因為出過事。之前有朋友帶新朋友嚟食飯,我只係同枱食飯禮貌上同對方講咗啲嘢,點知佢將我嘅說話分享上網,咁就變咗誤會同花邊新聞,之後就怕啦,識新朋友會好小心。但我識女仔仍然好open,但要認識吓先!」

MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹