Advertisement

麥玲玲波波自爆經常被望心口 郭珮文力證非胸大冇腦

本地
2024.03.14
撰文:孜卓芹
Juliana話自己以前係肥妹仔一名,後來減肥後獲讚身形靚。
Juliana話自己以前係肥妹仔一名,後來減肥後獲讚身形靚。

麥美恩(Mayanne)和曾展望(GM)的新節目《Mayanne小喇叭》今晚(14日)首播,首集以「身材好是現今的流量密碼」做主題,邀來出名身材勁的堪輿學家麥玲玲、郭珮文(Juliana)和黃婧靈(波波)擔任嘉賓,並請來三位身材同樣勁爆的KOL Kamchi、雀仔和Amber齊齊訴說胸大的煩惱!

 Mayanne同Juliana呢張「世紀合照」夠晒經典。
Mayanne同Juliana呢張「世紀合照」夠晒經典。

玲玲師傅指從來都不覺得自己身材好,她謙稱:「我覺得肥嘅人身材都係差唔多,都係脂肪嚟啫!從來都以為大家都係差唔多,到自己出嚟做嘢之後,見到人望住我講嘢唔係望住我個頭,而係望住個心口,嗰時先覺得唔對路。」玲玲師傅笑言自己生得比較豐滿、矮小、頸又短,所以經常穿喱士小背心打底。

麥玲玲自爆一年四季都着小背心嘅原因。
麥玲玲自爆一年四季都着小背心嘅原因。

黃婧靈透露「波波」這個名字是由網友命名,並曾經為這名字不開心,「但用用吓呢個名又覺得幾好,疊字又易記!」波波更大爆因驕驕人身材引發的風波,她說:「有一次拍劇開05,同Mayanne同一套劇,當時我笠頂帽落到去個鼻度。之後我去咗換衫,一出嚟就同個前輩打招呼,但佢冇理到我,我隔咗3秒之後『岳』高個頭,發現佢望緊我心口,佢話:『好彩認到你心口咋,如果唔係都唔認得你!』」Mayanne好奇問到底是誰?波波說:「出名㗎!」說罷波波便對Mayanne做了個口型,Mayanne心領神會笑謂:「嗰個連我都調戲呀,但都係劇情需要啫!」之後Mayanne追問波波向獎門人曾志偉放電傳聞,波波即做出一個驚人舉動回應,GM見狀即時嚇到擰歪面不敢直視,並說:「唔好亂咁嚟!」

波波因為身材出眾,曾經被口花前輩撩。
波波因為身材出眾,曾經被口花前輩撩。

榮升新咪神的Juliana同樣謙稱自己身材只是「過得去」,並自爆曾經是肥妹仔。她說:「後期減咗肥之後,有人讚我身形OK,都開心嘅!」玲玲姐好奇問她是否瘦身不瘦胸時,Juliana即說:「有呀,都會縮(水)㗎!」問到曾否被質疑是「假胸」?Juliana說:「好多呀,好多人會留言話假波。」Juliana隨即做出一個不在乎表情,並大拋高EQ金句應對Hater,絕非胸大冇腦之人!

Juliana曾經被質疑假胸,佢用一個不在乎表情嚟回應。
Juliana曾經被質疑假胸,佢用一個不在乎表情嚟回應。

之後GM講到有研究指Y形及I形事業線有助分辨真假胸,屬有料之人的Juliana對此似乎不太同意,並指自己能Y、I隨時切換:「托起咪就係Y,齋唧咪就係I囉!」至於三位KOL則即場上演驗胸大會,獲邀請驗胸的Mayanne更爆出「驚呆表情包」。

姜濤 陳卓賢 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹