【明報專訊】麥長青（麥包）去年底約滿無綫離巢，相隔半年，又獲高層余詠珊邀請回巢，昨日他和江美儀為無綫主持15集全新節目《關你家事》進行開鏡拜神儀式，並邀請滕麗名擔任嘉賓。江美儀和滕麗名對於再跟麥包重聚非常開心，3人都期待再拍飲食節目《街坊遊樂團》續集。
「原來我人工幾高」
麥包表示今次回來簽部頭約，暫時會做主持工作。會否拍劇？他說﹕「其他未傾，做主持幾好，可以兼顧做到自己事，我剛在內地拍完劇，又打算做埋幕後製作，自己寫劇本拍自己喜歡的故仔，他說﹕「我鍾意做呢行，有朋友都話我又不紅，又搵不到錢，不如出去做生意仲搵到錢，但自己就是有呢份執著。」談到回巢可有加人工？麥包笑笑口說﹕「當然有。（加雙倍？）這個又沒有，不過原來我的人工幾高。」
麥包指節目中會邀請不同界別人士分享真實經歷，一齊探討家庭問題，他指錄影時感受良多﹕「我都有分享少少自己故事，我好自卑，小時有段日子寄人籬下，成長過程同無爸爸沒分別，有事都無人幫，又不想媽媽出面，我就同人打架解決，所以變成現在性格，要保護家人，不想他們被人睇不起。」
記者﹕鍾一虹