Advertisement

麗英新歌請波姐客串跳舞 阿Gao演斯文OL

本地
2023.03.24
撰文:卡琳

whatsapp-image-2023-03-24-at-7-14-01-pm

「小薯茄」成員麗英推出新歌《全死角美少女戰士》,MV特別邀來馮素波(波姐)及女團COLLAR隊長沈貞巧(Gao)客串。

whatsapp-image-2023-03-24-at-7-14-01-pm-1
波姐表示麗英笑言與麗英「相差半個世紀」都可以一齊合作是非常愉快。

首次與麗英合作的波姐表示,從他人口中得知麗英是非常受歡迎的年輕網紅,笑言大家「相差半個世紀」都可以一齊合作是非常愉快。波姐說:「導演俾我自由發揮去演繹我童年嘅開心回憶,叫我唱歌又得、跳舞又得,令我可以寓工作於娛樂。我都好耐冇跳舞,而家真喺跳到一身汗!」波姐在MV中飾演一名辦公室的清潔姐姐,每天重重覆覆地為公司工作而變得頹廢,受着麗英新歌的感染,喚醒了波姐要快樂地享受人生,她說:「雖然拍攝時好似『癲癲得得』仲跳上枱跳舞,但其實我喺一個好開放嘅長者,希望借機鼓勵下年輕人!我真喺好鍾意同年輕人合作!」

阿Gao則在MV中飾演辦公室女郎,她透露自己甚少打扮如此斯文:「我好喜歡今次個角色,OL造型紮孖辮、戴眼鏡、頭箍,應該喺一個幾新嘅面貌俾大家見到!」麗英直言找來阿Gao演OL令她驚喜萬分,「她本身散發住活潑、有朝氣的感覺,好適合呢個角色,而且跳舞好好睇!其中MV有個剪接位好需要佢哋古靈精怪嘅演出,再加上兩位都有跳舞底子,令成個效果好好!希望大家鍾意呢個MV!」

 

MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹