Advertisement

馮素波首次與栢天男合作 自爆受靚仔歡迎想俾「鬚」拮

本地
2023.12.01
撰文:卡林
whatsapp-image-2023-12-01-at-5-55-23-pm-5
好Swee喎!

馮素波與栢天男近日為港鐵拍攝廣告,兩人在廣告中飾演母子,講及栢天男離港在即,眾人在香港站告別。近來活躍IG的波姐特別生鬼,不時向鏡頭派心心和飛吻,仲風騷自爆常被「靚仔」邀請演出:「我唔係靚仔先接工作,係佢哋要揀我咋!成街都靚仔點認得咁多,我見栢天男成面鬍鬚,下次叫佢用『鬚』拮下我就認得啦。」

 

二人雖然第一次合作,但默契非常合拍,趁列車未埋站時仲齊齊排戲。波姐指自己屬「港鐵GPS」,笑言似足公主出巡:「因為我兩蚊車之嘛,成日都『出巡』周圍去,所以熟晒路啦,最遠去到柴灣、堅尼地城、西營盤,我每個禮拜都要去街㗎!」波姐更表示自己熱心幫遊客搵路,不介意與人合照:「有時見遊客望下望下,就主動問佢哋想去邊度,又有啲話想影合照,只要唔介意我素顏,影乜都得!」

whatsapp-image-2023-12-01-at-5-55-23-pm-9

而栢天男就表示與波姐合作好開心,不過第一件事不是請教演技,而是向對方問路:「因為今早集合地點,我搵極都搵唔到,惟有打俾波姐問點去,佢真係好厲害!波姐雖然未合作過,但我有睇佢啲作品,所以感覺好親切,終於有機會演母子。」

 

陳卓賢 姜濤 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹