Advertisement

馬國明陳豪視帝爭崩頭 林子善男配吸最多Like

本地
2024.01.11
撰文:孜卓芹
男主角大合照
男主角大合照

《萬千星輝頒獎典禮2023》「最佳男主角」及「最佳男配角」競爭激烈,男主角組別,陳豪憑《破毒強人》「毒王」文華一角打入10強,自劇集播出後已被力指是今屆視帝大熱;台慶劇《新聞女王》飾演「心計佐治」的馬國明亦不容忽視,在早前無綫官方社交平台專頁公布的「男主角」10強名單中,馬國明所贏得的Like數便力壓陳豪及其他入圍者排名第一;排名第三的則是憑《隱形戰隊》入圍的陳山聰。

男主角-馬國明
男主角-馬國明

男配角方面,在早前無綫官方社交平台專頁公布的「男配角」10強名單中,憑《新聞女王》中演輕度弱智爸爸角色入圍的陳山聰,同樣打入最多人Like三甲兼排名第二,雖然山聰這個客串角色贏盡好評,不過最終仍未能鍊贏憑《隱形戰隊》入圍的「超級喊包」林子善。「男配」最多人Like第三位則是憑《破毒強人》杜飛一角成為大熱的馬貫東。

男配角大合照
男配角大合照

子善受訪時卻說:「我唔投自己,雖然我想,但我又好欣賞某啲演員,佢未必同我好熟,好似馬貫東咁,我直情當面同佢講,我好鍾意睇你演戲,所以我今年投咗俾佢。」已第三度殺入男配十強的馬貫東,對獲獎與否抱平常心,但坦言對今年成績感到滿意:「因為出街嘅角色同以前俾觀眾睇到嘅好大分別,同埋我咁大分別後觀眾都咁接受,我自己都好開心。」首度提名男配的吳業坤,則指看好《新聞女王》的陳山聰:「我見住佢演嗰場戲,好犀利!佢係趕收工過咗嚟後,即刻演呢場戲。佢真係每個take都係用盡100%(功力),我要向佢好好學習。」

男配角-林子善
男配角-林子善

至於男主角造型拍攝現場,則以單立文最搞笑,他透露被通知入圍男主角10強時,一度以為被大整蠱,又大爆老婆胡蓓蔚唔開心:「我以為公司搞呢個騙案呃我,到我老婆話website登晒喎,又有人恭喜我喇,我先開始相信。我老婆點?佢唔開心呀,佢驚我攞咗之後會唔要佢,佢好有危機感。」

+11
MIRROR 姜濤 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹