Advertisement

香港婚後事|黎諾懿親解娶富貴妻原因 「嗰時真係鍾意」

本地
2024.05.02
撰文:孜卓芹
今集請來張振朗、朱敏瀚做嘉賓。
今集請來張振朗、朱敏瀚做嘉賓。

陳自瑤(Yoyo)、賴慰玲(阿賴)、黎諾懿及羅天宇主持的《香港婚後事》,今晚(2日)播出的第三集,嘉賓請來張振朗、朱敏瀚。六人之中,振朗、朱仔及天宇均尚未成家,振朗及朱仔婚姻觀相當類近,除每次拍拖均會以結婚為前提,又不約而同認為要有經濟基礎才可成家。

講到結婚議題,振朗話錢唔係最大問題,但目前就以事業為重先。
講到結婚議題,振朗話錢唔係最大問題,但目前就以事業為重先。

不過振朗回應結婚話題時,一再強調 「錢唔係最大嘅問題」,期間驚爆一句:「講有錢要問番黎總先得!」Yoyo見狀即搞笑釋出「問題兩連環」攻擊黎總:「你幾歲結婚?」、「我唔知你嗰時有冇依家咁有錢」,嚇得振朗急急補鑊:「我哋唔好再喺黎總面前講錢!」雖然成為被玩對象,但諾懿還是大方回應與太太「女尊男卑」的問題:「嗰時以我嘅能力,要追趕我太太係冇可能嘅事。但嗰時真係鍾意…」。之後諾懿一本正經分享如何以一招贏得太太信任,內容真摯感人。現年36歲的天宇則坦言心急結婚:「40(歲)都係大嘅年紀,都急(結婚)嘅。」

諾懿承認自己當時嘅能力遠遠不及太太。
諾懿承認自己當時嘅能力遠遠不及太太。

六人還圍繞了《婚後事》其中一個核心思想「約炮世代,性愛分開」進行討論,振朗自爆中學時曾透過聊天室約異性出街,更勁老土地以「紅玫瑰」做相認記認:「嗰時主要都係傾偈,傾傾吓就會試吓約出嚟。但因為嗰時好細個,咪約幾個Friend一齊,講話著咩色衫,咬住支紅玫瑰做記認咁。」振朗又指由於當年科技未夠發達,聊天室不設頭像,故有很大想像空間,盡顯浪漫一面,「會諗諗呢個係咩女仔,可能會諗到好多美滿嘅事情。」思想開明的振朗又認為「約炮」並非「不良好事情」,「男未婚女未嫁,試多幾個有咩問題?約炮只係一個名,點都有愛意喺入面。」並分享了好友由約炮演變到結婚生仔的故事。

 

朱仔、Yoyo、天宇
朱仔、Yoyo、天宇

今集繼續有情境題Q&A,包括「會否接受『多人運動』」及「約炮發生在仔女身上,作為父母可接受?」等,不過最搞笑的,莫過於諾懿問振朗及朱仔「會唔會揀賴慰玲做老婆」?結果兩人異口同聲因為一個原因嫌棄阿賴,朱仔更指覺得二人在教小朋友方面很大分歧:「我試過同埋佢個仔一齊坐地鐵,佢個仔喺度郁嚟郁去,當然好乖冇搞到其他人,我就心諗如果呢個係我個仔,我一定會叫佢坐低。」振朗聞言即勁搞笑謂:「我估唔到朱仔已經諗到咁遙遠,完全冇呢個幻想嘅餘地。我同佢(阿賴)太friend,我冇諗過,我有啲想嘔。」

星級企業大獎2020 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹