Advertisement

香港婚後事|曾比特難得講結婚生仔 唔介意被另一半Check手機

本地
2024.04.26
撰文:孜卓芹
曾比特(Mike)即場自彈自唱《傾城》。
曾比特(Mike)即場自彈自唱《傾城》。

綜藝節目《香港婚後事》今晚(26日)播出的第二集,曾比特(Mike)以神秘嘉賓身份彈著結他出場,並即場自彈自唱《婚後事》翻唱的主題曲《傾城》。
被主持人黎諾懿、陳自瑤(Yoyo)等追問感情觀,談到婚姻議題,Mike有感「結婚」在現今社會變得形式化,並謂伴侶相處溝通才是最重要:「結完婚都可以離婚,只係一張紙。如果同佢好close、大家相處好有愛嘅話,結婚係令大家段關係更加升華;相反,本身唔係相處得特別好,結婚只不過係將呢個形式轉去第二個形式,冇解決過問題。」Yoyo問到將來可會跟伴侶生兒育女時,他坦言:「未有資格成為一個爸爸。」

Mike話自己未有資格做爸爸。
Mike話自己未有資格做爸爸。

黎諾懿和羅天宇本集還有額外任務,就是盤點網絡十大男生最討厭女生行為,二人揭曉答案前訪問了Mike的想法,他指最怕女生約會遲到,並搞鬼以「我個朋友」身份分享曾等足7小時的深刻經歷。另問到Mike可接受監控狂女友時,他直言不介意遭另一半查看手機,大前提是頻率問題:「半個鐘睇一次就over得滯!點樣令佢有安全感,呢個可能係我嘅責任。」及後黎諾懿又拋出情境題「如果你有個女朋友話『我唔鍾意你個頭,剪咗佢』,你O唔OK?」

剪咗佢把頭髮又得唔得。
剪咗佢把頭髮又得唔得。

本集焦點除了落在嘉賓身上,作為主持的賴慰玲和羅天宇亦成為被爆料及「攻擊」的對象!阿賴被爆酒量淺,在拍攝節目的第一天已因宿醉嘔吐,黎諾懿遂踢爆阿賴前一晚僅喝了兩杯啤酒:「隔咗咁耐,以為講笑,點知真係嘔!我哋真係錫佢,冇拍到佢嘔,點解唔拍佢嘔呢?」至於天宇則瘋狂被眾人輪流「攻擊」玩暗寸:「咁你呢?鍾意咩類型?」、「你講就最有公信力」等,搞到天宇尷尬又無奈,不停傻笑。

星級企業大獎2020 MIRROR 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹