Advertisement

飛常日誌|馬國明兩前任正式碰面 劉穎鏇曬語言天分蔡思貝食花生

本地
2024.01.23
撰文:孜卓芹
蔡思貝和劉穎鏇在劇中飾演馬國明前任。
蔡思貝和劉穎鏇在劇中飾演馬國明前任。

飛常日誌》自播出後引發「空姐熱」,無綫官方社交平台日前「食住條水」,找來劇中真.空姐蘇可欣及史穎喬拍片教大家極速盤出靚靚空姐髮髻。談到「空姐髻」,史穎喬搞笑謂梳高梳低會影響一個人的氣場:「我聽前輩話,如果梳得高,個氣場就會強啲。」兩段影片上載不夠兩日勁吸逾53.5萬瀏覽次數(IG+FB),網民留言大讚極速盤髻手法厲害之餘,還大讚二人靚女。

真.空姐蘇可欣及史穎喬拍片教大家極速盤出靚靚空姐髮髻。
真.空姐蘇可欣及史穎喬拍片教大家極速盤出靚靚空姐髮髻。

另外,憑黑絲空姐Look熱爆網的劉穎鏇(Tiffany),其飾演的Karmen上周甫出場已搶盡焦點,今晚(23日)Tiffany將再晒語言天分!劇情講述Jackie(蔡思貝飾)、Joyce(高海寧飾)欲協助一名土耳其旅客,可惜語言不通,幸好Tiffany及時出現並以流利土耳其話為她們解困,楊尚偉(馬國明飾)兩位前任亦於該場正式碰頭。Tiffany早前在直播時坦言該場戲很大挑戰,她說:「今次係第一次接觸土耳其話,拍攝時真係安排咗土耳其人喺現場,佢幫我執正咗好多發音。」在旁的思貝則說:「嗰場戲佢做得好好,同埋都好大壓力,因為佢要演到講得好流暢咁,仲要講一大段嘢,我就好舒服咁喺側邊聽住同睇住。」

今晚一集有Tiffany晒語言天分,個Look仲要勁省鏡。
今晚一集有Tiffany晒語言天分,個Look仲要勁省鏡。

另昨晚一集「機場4 Buddy」馬國明、高海寧、洪永城和徐榮齊齊去到東涌觀景山行山,該處可以飽覽整個香港國際機場全景,又可以近距離欣賞飛機升降,行山打卡兩相宜。在第一集中,馬國明向蔡思貝求婚一幕便於該處拍攝,思貝早前直播時大讚:「我好鍾意嗰場戲,真係好浪漫,個夕陽幫到好多手,個景真係好值得去。」思貝續笑指拍攝《機場特警》時亦曾到該處拍攝,劇集監製是同一人。

星級企業大獎2020 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹