Advertisement

離開無綫十七年恨拍港劇 陳浩民:TVB冇搵我

本地
2024.01.24
撰文:王崇頴攝影:Andy
陳浩民拍完《搜神傳》,就出外闖。
陳浩民拍完《搜神傳》,就出外闖。
【今日睇咗未?】郭羨妮發聲明直斥不實報道 澄清爸爸無賭無離婚愛家庭|離開無綫十七年恨拍港劇 陳浩民:TVB冇搵我(24/01/2024)

陳浩民、王浩信及姚子羚等藝人今日為無綫新劇《狀王之王》進行宣傳,十七年冇拍無綫劇的陳浩民出席活動時,說可以用廣東話拍劇相當開心,「十七年冇在TVB拍劇喇,記得對上一套是《搜神傳》,之後就出外闖,今次因為張達明及林子聰的邀請,俾機會我返娘家拍劇,希望之後都可以繼續在香港拍,其實我十七年來一直都好想,可以同聲同氣拍劇,只是TVB冇搵我,我的心從來沒有離開過TVB,只要TVB打俾我,我都會回來拍。」

陳浩民、王浩信及姚子羚等為《狀王之王》宣傳。
陳浩民、王浩信及姚子羚等為《狀王之王》宣傳。

對於被指劇集於農曆新年播,絕對是炮灰時段,「我不覺得是炮灰時段,喜劇向來是長青,觀眾會喜歡看,最重要好笑,而且今次子聰面子好大,找來很多久未拍TVB劇的藝員回來助陣,令劇情精采外,又有種舊生聚會的感覺,我相信會給觀眾一種熟悉及親切的感覺,絕對是劇集另一賣點,會令觀眾勾起好多美好的回憶。而且聽聞子聰好似寫緊第二輯,但目前只是初步階段,就算他們不主動找我拍,我都會先報名,又有機會可以跟大家一起玩,真的很開心。」

whatsapp-image-2024-01-24-at-14-03-44-3

劇中王浩信飾演宋世傑,除了要剃頭外,更男扮女裝演出,「今次真係好有誠意,我向來好少演古裝,今次除了第一次要剃頭外,還要扮女人,但又估唔到自己原來扮起來咁靚女,大家都讚,劇中有一場戲講我演妹仔,子羚就演少爺,佢會調戲我,場戲出來效果都好搞笑,希望接近農曆新年可以令觀眾睇得開心。」

王浩信演宋世傑。
王浩信演宋世傑。

身穿短裙的陳楨怡大騷長腿,她表示劇中要跟姚子羚爭王浩信,令到子羚呷醋,問到現實中可試過「爭仔」?楨怡說:「未試過,都唔會發生,(兩男爭你一個呢?)更加冇可能,可能我個樣惡啲,嚇走晒啲男仔。」

陳楨怡短裙仔上陣。
陳楨怡短裙仔上陣。
姜濤 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹