Advertisement

隱形戰隊|馬國明如廁被拍嚇到天然呆 感激監製賜有型角色

本地
2023.03.18

wah_5125

馬國明昨晚(17日)在《隱形戰隊》一集爆出精彩一幕,為了演繹出角色Ocean肚痛還要慘遭威脅的苦況,捨棄形象做出「逗趣」表情,當中馬明招牌表情「天然呆」更會重現螢幕。

wah_5540

昨晚的劇情講述寶寶(唐詩詠飾)在囡囡(林子善飾)及嬌姐(程可為飾)夾計下,不知就裏地搬進Ocean家對面單位,該單位更由嬌姐與Ocean共同持有。話說Ocean突然肚痛大作,但因忘記帶鎖匙有家歸不得,肚痛難耐的他只好衝進對面單位如廁。由於Ocean如廁時以為單位冇人,故邊如廁邊發出連串「來自肚痛的叫喊」,令正值打掃中的寶寶大驚踢門直衝洗手間準備擒拿「變態佬」。

當寶寶發現「變態佬」原來是Ocean時,即拿出手機拍下對方如廁窘態,嚇得不知如何反應的Ocean先是呆了數秒,之後即醒覺欲搶回寶寶手上「罪證」,可惜不得要領,只能掩臉遮醜兼為自己作最後辯駁。馬明笑言並沒有刻意豁出去,因為是演員所需:「我不嬲冇偶包,場戲都係想觀眾開心吓,因為劇入面好多緊張打鬥戲,所以間唔中要有啲場口俾大家輕鬆吓。我都係跟劇本做,何況演員係應該冇偶像包袱嘅,因為我係一個演員。」馬明又透露拍攝時有穿短褲打底,所以絲毫沒有尷尬,但就有忍不住笑。

劇集出街後獲網民大讚有型,馬明笑言身邊朋友也有同樣看法,並感激監製文偉鴻(Jazz)賜予角色上的突破:「佢哋話:『我從來都唔知你咁有型嘅』,都係好開心嘅,今次呢個劇話唔定可以幫我轉型,唔使成日都係演啲斯文角色,譬如醫生呀。作為一個演員當然希望有多啲唔同戲路,自己駕馭同演繹到而觀眾又鍾意啦。所以都係再次謝Jazz,同埋所有幕後工作人員,其實係佢哋後面無名嘅付出,先至令我哋幕前嘅演員咁有型,所以真係好多謝、好多謝佢哋。」對於Ocean「失眠」設定成功入屋,馬明明開心地分享:「我自己睇劇本時都覺得呢個設計幾好笑,可能因為佢對詩詠有啲內疚,話唔定就係呢個潛意識,令佢每次聽到詩詠鬧佢,佢就會覺得少咗啲罪疚感,所以好瞓啲。我拍呢段戲都幾開心,每次我撩㷫詩詠,跟住錄佢音,跟住瞓得好冧,全部都好好笑同得意。」

星級企業大獎2020 聲夢傳奇 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹