陳柏宇（Jason）日前拍攝由昂坪360舉辦的《360°天際柏住唱》，在纜車車廂中唱出多首情歌，包括百萬點撃作《有天》。被問到跟THE FIRST TAKE版本有何分別，Jason指在纜車上唱歌有另一種滋味，「好有衝上雲霄嘅感覺，唱嗰一刻真係喺天到，真係好啱喺呢到唱。」他更表示這天忘記帶「耳機」演出，笑指車廂唱歌的環境與錄音室相似：「因為纜車唱歌冇觀眾，而且車廂都冇咩迴音，配埋咁開揚嘅景觀，成個感覺都好特別。」
Jason更賣口乖表示想與家人再來郊遊，不過「出口術」表示跟囡囡「拍拖」不帶老婆同行，「其實我都想同囡囡搭吓纜車，上次一齊嚟都已經係年半之前，當時車廂都冇咁靚同整塊透明玻璃，佢依家四歲再嚟，應該識好多嘢嘅年紀，我估佢會好開心，不過太太就有啲畏高，依家剛剛生完唔好嚇佢啦。」
雖然太太剛誕下愛女，Jason亦努力為新歌宣傳，「上隻碟個奮鬥感會好沉重嘅，下張新碟會有開心嘅氣氛。」他希望歌曲可以為粉絲帶來正能量，「有很多粉絲由我出道以來就支持我，雖然已經十五年，但仍然願意花心思俾Surprise我，喺演唱會上同導演、樂隊夾好嚟個驚喜大合唱環節，聽到前奏嗰吓我完全無諗過，以為只係間場音樂，腦海一片空白，所以衷心多謝佢哋。」