Advertisement

陳慧琳相隔19年再到廣州開騷 邀周筆暢重演9年前同框畫面獲讚無變過

本地
2024.02.25

whatsapp-image-2024-02-25-at-19-04-47-21

陳慧琳(Kelly)昨晚(25日)將《陳慧琳SEASON2世界巡迴演唱會》帶到廣州體育館,與九千歌迷齊齊度元宵。闊別廣州歌迷十九年的Kelly,演唱會甫開始便率領軍隊以《Ask》及《都是你的錯》兩首快歌打頭陣後,隨即與台下歌迷打招呼,「大家記唔記得對上一次我嚟廣州開演唱會係幾時?五年?十年?係十九年!十九年呢個數都有啲驚,如果十九年後再返嚟‥‥‥唱到歌,你哋會唔會嚟睇?或者到時搵個AI,但今日就有呢個純天然無添加嘅頂住先。」然後,Kelly唱出新歌《時光厚禮》,喻意青春是時光贈予我們的厚禮,慶幸在她最好的樣子時與大家相識,台下則全場燈海大合唱回應Kelly。

Kelly請來多年沒有再同台的周筆暢擔任嘉賓,合唱經典歌《紀念日》。筆筆與Kelly緣起2006年電影《春田花花同學會》,所以當演唱會大屏幕展示出二人當年劇照時,筆筆帶點感觸地透露這是她人生第一部電影,造型很傻,Kelly則不禁大叫:「十八年前,係十八年,My God!你個樣傻,我都唔精得去邊,跟住再合作係2015年做你嘉賓,隔咗九年,要同你影番張相。」接着,Kelly與筆暢頭貼頭合照,與當年同框的畫面作對比,又笑指自己需要美圖,而筆筆隨即說:「唔使,你都冇變到,一樣靚!」由於今次筆筆是專程由北京飛到廣州撐場,令Kelly大為感動,所以台上多次感謝對方。

另外,Kelly演唱會上又加插了跳舞Challenge環節,邀請排舞師上台教大家跳《談情的價值》,再浩浩蕩蕩與九千歌迷一起跳及擺end pose合照,看到台下有觀眾想送禮物,Kelly搞笑地說:「係唔係利市?係我過嚟攞,哎呀,個公仔好得意,我想要,好耐冇收過公仔,呢啲公仔好年宵感覺。」結束了廣州演出後,Kelly會先回香港籌備新歌。

聲夢傳奇 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹