Advertisement

陳山聰三代傳承終實現 與3歲囝囝同台舞獅喊感恩

本地
2024.03.01
撰文:孜卓芹
陳山聰終於實現同囝囝一齊舞獅。
陳山聰終於實現同囝囝一齊舞獅。

陳山聰3歲時受爸爸薰陶學習舞獅,並於7年前與好友郭政鴻成立醒獅會。過往受訪曾表示希望三代傳承,期待有日會父子兵上陣。終於在今個新春,山聰在社交網上載與3歲囝囝Jaco一齊上台舞獅的片段,留言:「我最期待嘅畫面今晚終於出現。我完全冇教過Jaco舞獅嘅情況之下,佢竟然同我一齊同台演出,而且仲有板有眼完全唔驚。回想返起我當年三歲嘅時候係一模一樣,我相信依個絕對係遺傳,而且佢爺爺在天之靈見到一定好安慰,感恩」!

Jaco有板有眼。
Jaco有板有眼。

片段中山聰舞着白獅,Jaco就舞着小黑獅跟在山聰後面,隨着鑼鼓聲舞動獅頭,還跟爸爸有互動,但Jaco始終沒受過正統練習,有幾次差點被山聰的獅踢中,幸好有工作人員及時護着Jaco閃避。


今個新年大豐收的Jaco,放上另一條片段,地上鋪滿利市,他興奮說着有很多利市封,多謝完給他利市的叔叔姑姐等人後,Jaco大叫:「Happy Birthday!」山聰就代囝囝留言:「龍年收獲豐富,多謝晒所有uncle auntie嘅利市!我會好好儲起佢用嚟學嘢,祝大家身體健康、行運一條龍」,並Hashtag「教學基金」。

Jaco新年大豐收。
Jaco新年大豐收。
MIRROR 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹