Advertisement

陳家樂掛住打機hea答老婆 連詩雅快狠準買咗真聖誕樹

本地
2023.12.25
撰文:孜卓芹
陳家樂無奈要打理這真聖誕樹直至新年換桃花為止。
陳家樂無奈要打理這真聖誕樹直至新年換桃花為止。

陳家樂連詩雅(Shiga)婚後的第一個聖誕節,家樂因為掛住打機,hea回想整聖誕樹的Shiga,叫老婆自己搞,Shiga第二日就迅速買咗人咁高的真聖誕樹,令家樂好無奈。

家樂貼上毛線製成的小型聖誕樹,留言:「陳太話今年想屋企整棵聖誕樹點綴下,我梗係話冇問題,拿拿臨係(喺)雜物房搵左(咗)棵靚靚聖誕樹出黎(嚟),點知佢話唔係咁呀!!由於我打緊FC24輸到忟,我就燥燥地回應佢:『咩唔係咁姐(啫)!聖誕樹係咁架(㗎)啦!咁叻你自己攪lor(囉)!!

家樂拎呢個聖誕樹出嚟真係太Hea啦。
家樂拎呢個聖誕樹出嚟真係太Hea啦。

「第二日…我放工返到屋企,就多左(咗)棵人咁高既(嘅)聖誕樹」,跟真聖誕樹合照的家樂扁曬嘴表示:「咁大個仔屋企放真既(嘅)聖誕樹都係第一次,我日日淋樹呀,陳太話要擺到農曆年就換桃花,陳生話我唔係花王」。

陳家樂與連詩雅婚前婚後都少曬合照,但一樣可以放閃。
陳家樂與連詩雅婚前婚後都少曬合照,但一樣可以放閃。

Shiga留言:「不知幾靚,快啲多謝我」,獲圈中好友與網民一面倒力撐,好姊妹黃翠如留言:「Good job,陳太」。雨僑亦留言擺真聖誕樹,家樂找到同病相憐的人,即問羅力威有何反應?

星級企業大獎2020 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹