Advertisement

陳家樂婚後首個農曆年 期待孖連詩雅齊派利市

本地
2024.01.30
撰文:孜卓芹
陳家樂留了鬚出席活動。
陳家樂留了鬚出席活動。

陳家樂日前出席環保活動,正忙拍新片留了鬚的他,將與老婆連詩雅(Shiga)迎來二人婚後首個農曆新年,他表示包利市時感覺特別,「以前同佢拍拖嘅時候,我封姓陳嘅利市封,佢有佢自己嘅靚靚利市封,今年我哋統一用一款利市封,大家一齊去揀選屬於我哋嘅利市封,個感覺都幾特別,感覺我哋係一條Team、我哋係屬於一個團隊咁樣去做呢件事。第一年真係一個家庭咁樣去派利市,都幾期待。」

家樂娶連詩雅首個農曆年。
家樂娶連詩雅首個農曆年。

農曆新年後緊接着情人節,同時亦是二人婚後首個情人節,不過家樂坦言「冇部署」,「因為我依家拍緊一部電影,喺造型上有啲改變,要減肥,佢一路都陪我進行地獄式節食,所以完成呢部電影後希望可以同佢放假,情人節去到一個旅行,食返餐飽。」

情人節望能二人世界外遊。
情人節望能二人世界外遊。

於電影《金手指》演出備愛觀眾讚賞,家樂表示有份參演已經很開心,得到觀眾留意其表現更是喜出望外,「好多謝俾咗好多鼓勵我嘅導演,同埋兩位超級巨星:劉生(劉德華)同梁生(梁朝偉),有佢哋嘅演出先至會帶動到其他嘅演員可以交出一啲更加好嘅表現,因為有佢哋一啲咁好嘅演員,我哋先至會可以提升到自己嘅狀態,所以好多謝導演同埋兩位前輩。」

陳卓賢 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹