Advertisement

陳奕迅同觀眾互讚超正感動哽咽  Encore唱《黃金時代》震烈紅館

本地
2022.12.12
撰文:孜卓芹
陳奕迅完美演繹《黃金時代》超滿足。
陳奕迅完美演繹《黃金時代》超滿足。

陳奕迅(Eason)紅館跨年演唱會昨晚(11日)來到第三場,由第二晚開始,歌迷看過報道,都已經知道Eason這次演唱會是有主題,會一口氣連唱29首歌,才稍作停頓跟大家打招呼說話,所以入場的觀眾都屏息靜聽每首歌,期間只以拍掌歡呼揼地支持,並以手勢跟Eason打招呼。
當Eason唱到《幸福摩天輪》時,有接近舞台邊觀眾把握機會一博,拿出CD希望他可以簽名,意想不到Eason竟然答應,接過CD後,他笑言:「我好似未試過做做下演唱會簽CD……」,他更細心問那位觀眾名字,觀眾報上名後,他又問:「睿智,係咪智慧個智?」對方大叫:「士心志呀…」Eason笑道,「咁你今晚改名啦!」然後把簽名CD送回給對方,並且伸手跟對方互擊拳頭。演唱會後,Eason表示:「我最後係簽咗睿智(志)。因為我已經寫咗啦,冇計啦!」

陳奕迅首次在演唱會氧台幫粉絲簽CD。
陳奕迅首次在演唱會氧台幫粉絲簽CD。

唱畢四部曲後,Eason返回樂手位置,先是拿消毒藥水噴手,然後作勢問拿了CD的觀眾,「75%酒精,你要唔要都噴下?下次我應該袋定支嘢先,係咁㗎啦依家,冇辦法啦。」然後他除下耳機,享受觀眾呼歡及叫聲,「邊一個發明咗耳機?係有啲掃興㗎。八十年代喺紅館睇騷,雖無耳機但即時反應係好正。今晚你哋都好正,冇理由我唱緊歌你哋都仲狂叫啦,我雖然聽唔到你哋啲聲,都見到大家眼神,仲有個啲燈牌,你睇…成晚睇住『肥陳』兩個字,其實好掃興…」歌迷即換上「歌聖」燈牌,Eason笑道,「歌聖?歌手算啦。佢哋好特別,成日整燈牌都好特別,幾十歲人仲咁有興緻,我都就嚟50啦,仲有燈牌,I’m Still Hot!woo……」

拿消毒藥水噴手超搞笑。
拿消毒藥水噴手超搞笑。

觀眾即報以熱烈掌聲及歡呼,Eason繼續搞笑,「我不嬲都唔係走偶像啦,竟然仲有呢啲,唔係我俾,佢哋自己俾錢整㗎,我唔會俾呢啲錢啦,留返嚟做好唱片好過,依家做CD係做紀念品咁做,有邊個屋企仲有CD機?其實唔多。依家係電話世界嘛,我已接受咗喇,你影我啦,你唔影我,我覺得自己冇存在價值,哈哈……你影我……哈哈。」


Eason又反問觀眾:「你哋係咪從來未試過喺紅館睇一個演唱會,有歌手由頭到尾冇斷過咁唱歌?冇乜講嘢?我成功咗喇!其實真係好正,係咪覺得聽得『入』好多?音響又好好!」觀眾大叫回應:「超正呀!正到癲!正到黐線!」Eason此刻一度感動得想咽哽,不停回贈掌聲給觀眾,畫面見他咬唇死忍勁想喊:「我都講唔到我準備要講嘅嘢㗎喇……最想講係多謝你哋等咗咁耐,都等!好開心呢件事實現咗!完成咗三場!」繼而見他低頭用手做了一個抹臉的手勢,忍回想喊的情緒,再說:「我唔會去嗰度㗎(唔會喊)……冇你哋係做唔成,好簡單!不如我哋郁吓啦!準備好未?我希望大家跳到甩骹,跳到斷氣為止,Let’s郁!」繼而party mode開始,全場跟着他起身勁跳。
來到Encore環節,Eason昨晚選唱了《黃金時代》,一開聲已經震烈紅館,觀眾之後瘋狂在Eason youtube channel洗版留言,更形容他是阿根廷足球代表隊隊長美斯!

做到齋唱歌冇乜講嘢好感動。
做到齋唱歌冇乜講嘢好感動。
聲夢傳奇 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹