Advertisement

陳奕迅《空城記》MV搵余靜萍執導 台上開楊千嬅玩笑竟成熱搜

本地
2024.01.08
撰文:卡林
whatsapp-image-2024-01-08-at-5-03-22-pm-18
Eason早前找來老朋友余靜萍(小余)執導《空城記》MV。

陳奕迅(Eason)《 Fear and Dreams 世界巡迴演唱會》昨晚(7日)來到廣州最後一場,他encore時唱了《空城記》,對這首慢歌,他直言有很深感情,「呢首歌係要慢慢聽,聽多一百幾十次,你先感覺到歌之韻味。」Eason早前找來老朋友余靜萍(小余)執導《空城記》MV,並於台北進行拍攝。Eason表示 2001年《反正是我》專輯封面跟小余合作過後,之後一直都未有機會再合作,他說:「我有一日係日本聽住首歌,望住個海岸線,突然間諗起佢,所以就馬上搵佢合作,都等左好耐,因為佢依家已經係大忙人。點解一定要等佢呢,因為覺得佢係一個好有心的導演。咁耐冇見,再重聚大家都好開心,佢以前可以為一個鏡頭訓喺馬路中心,依家都一樣, 個鏡頭剩係拍住隻手,佢都問係咪落咗情感同戲,對住佢我都唔會渣流灘,MV入面我隻手都有戲架,大家睇下,係咪感覺到。」

MV於陽明山上及北海岸拍攝,當時仍是夏天8月份,第一次要穿着三件頭西裝行山,Eason表示熱到想暈,不過大家非常落力,就算熱也要頂住,「最開心係拍到最後,移去淡水北海岸海邊,拍完最後一個鏡頭,即刻除鞋衝落水,個一刻大解放,對腳浸住暖暖海水,好舒服。」

whatsapp-image-2024-01-08-at-5-03-22-pm-3
Eason的一句亂噏,大家也當真,並上了熱搜。

至於昨晚廣州尾場,Eason台上飲水,更開玩笑表示楊千嬅在後台「吻下來,豁出去,彷似飲左一桶水」,Eason的一句亂噏,大家也當真,並上了熱搜,大家都以為千嬅用桶飲水,亂噏的Eason知道後,叫大家不要相信,他只不過是一時戲言搞笑而已。

談到新一年願望,Eason說:「如果快啲有個科技,可以送我喺現場周圍去,去埋後面,山上面同觀眾接觸就最好啦,好似科幻電影咁啊,我企喺一塊板上面,用磁力吸我過去,咁到時上面啲飛就可以貴過最前面,入埋包廂都仲得。」

星級企業大獎2020 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹