Advertisement

陳健安錘仔打碎木板釋放壓力 預告2.29開騷「族人」練定舞

本地
2024.02.16
撰文:卡林
whatsapp-image-2024-02-16-at-7-35-59-pm-24
安仔推出新歌《唔明你講乜》,除了親自填詞,更邀得監製、編曲及作曲的賴映彤(小彤)參演。

陳健安(安仔)日前推出新歌《唔明你講乜》,新歌除了親自填詞,更邀得監製、編曲及作曲的賴映彤(小彤)參演。安仔解釋新歌意思指聽到廢話時,以從容輕鬆的態度回應一句「唔明你講乜」。這樣就能不受別人影響,去做自己想做的事。安仔透露僅用了一小時便極速寫起旋律部分,是最快完成的一首歌。他說:「我俾咗一個鼓嘅pattern小彤,佢先做起個編曲,我再根據編曲寫,一路作一路笑,好開心。」然後他再將作曲時腦海浮現的畫面,告訴填詞人Oscar,「我將『唔聽你講嘢,我要衝出去』嘅狀態直接示範俾Oscar睇,好似副歌所講,『假裝不懂所有廢話,先可翻到宇宙外爬。』你唔聽人講嘅廢話,先可以拆開一啲框架,做到自己想做嘅嘢。」

 

MV由Oscar執導,安仔與兩位舞蹈員穿梭於巨型「耳窩」中,並在色彩繽紛的佈景前跳舞,製作組更放紙炮營造漫天紙碎的場面,紙炮的巨響加上舞蹈員千方百計的騷擾,亦無阻安仔專心跳舞。他解釋道:「帶大家進入我個耳窿,睇MV時,自己揣摩下兩位舞蹈員喺我個窿度做咩嘢。」拍攝當日,安仔在化妝間密密練舞,數日前亦特意抽空到排舞室練習。他說:「第一堂排咗四個半鐘,排晒成首歌,隔兩、三日,即係今日就拍MV。我有同排舞師講,之前整傷咗隻腳,盡量做多少少上身動作,大家睇MV睇下我跳成點。」

 

除兩位舞蹈員外,安仔還邀請了小彤參演MV。其中一幕,二人大肆破壞「耳窿」內的一切,安仔拿起十幾磅重的錘仔將木板打碎,而小彤則手執鉸剪,將場內的大型氣球拮破,二人像小朋友一樣玩得開心又盡興。安仔說:「識咗小彤十幾年,第一次見佢咁釋放,幫佢舒緩到一啲情緒,我諗佢2024年都會行得好好,好感謝自己搵佢參演MV。」

whatsapp-image-2024-02-16-at-7-35-59-pm

安仔又透露,將於本月29日舉行一連四場的《陳健安Live afteR Life 2024演唱會》上獻唱新歌,更呼籲「族人」(粉絲暱稱)練定舞。他說:「演唱會上面應該都會唱,你哋跳啦。我跳唔跳?唔知呢,你哋練定先啦!」

 

陳卓賢 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹