Advertisement

阿嬌首場訴心聲爆喊 阿Sa完美生日計劃被破壞 「真係俾你哋激死」

本地
2024.01.22
撰文:卡林
whatsapp-image-2024-01-22-at-3-37-51-pm-16
Twins在開場時,以全身粉紅色裝扮登場,唱出一系列經典代表作。
【今日睇咗未?】阿嬌首場訴心聲爆喊 阿Sa完美生日計劃被破壞「真係俾你哋激死」|樊亦敏認爆粗鬧造謠者 揭劉家輝近況清醒精靈(22/01/2024)

Twins昨晚(21日)在紅館展開14場《TWINS SPIRIT SINCE 2001 LIVE IN HONG KONG》演唱會。蔡卓妍(阿Sa)、鍾欣潼(阿嬌)經典側手翻重現舞台,好友容祖兒、張敬軒等更幫Twins拍攝過場片,眾人發揮「扮嘢」一面,溫馨又搞笑。Twins在開場時,以全身粉紅色裝扮登場,唱出一系列經典代表作,包括有:《高手看招》、《明愛暗戀補習社》、《二人世界盃》、《愛情當入樽》、《ICHIBAN興奮》、《盲頭烏蠅》等,當阿Sa和阿嬌演唱《跅跅步哈姆太郎》時,重現初出道招牌側手翻動作,令整個紅館High爆。

阿Sa笑言自己是一個奇蹟,她說:「22年前我哋出道咗四百日,就開第一個紅館演唱會,嗰時係一個奇蹟,估唔到今日出道22年仲可以開演唱會,亦都係一個奇蹟。」阿嬌說:「作為組合仲可以一齊咁耐真係好難得,好多時其他組合突然鬧交,又或者有更好發展,慢慢比人淡忘,我地都唔知幾時係我哋最後一次開演唱會。」阿Sa:「好奇怪㗎,我地企埋一齊,就好似返返年青時,冇老過咁㗎!」她續說:「我哋可能係傳說之中嘅不老之藥,依家有得望就望多幾眼啦,係咪即刻覺得自己回春啦。」

之後全唱大合唱《下一站天后》,阿嬌和阿Sa分別在台上說出感謝對方的話,阿Sa向阿嬌說:「22年前完全唔會想像到,呢個就係我哋嘅將來,雖然途中有好多大大少少障礙,但係我知道無論係開心定唔開心,人生高峰定係低潮時期…我哋終於從一個階段走到另一個階段,但係無論邊個階段,我知道你都會同我一齊,多謝你呀!」阿嬌邊抹眼淚邊說:「由細到大我都唔係一個自信嘅人,好多時遇到困難,我都會逃避,但係你就會走出來幫我解決,幫我出頭,支持我,有你係我身邊,你嘅自信,你嘅開朗,係我學習嘅對象,我以前成日做嘢都半途而廢,唯一我冇放棄就係我哋嘅友誼,係維持得最長。我好幸運好感恩,可以遇見你,可以同你組成 twins。」 現場歌迷都被他們打動到眼濕濕。

whatsapp-image-2024-01-22-at-3-37-51-pm-20
阿SA搞笑表示俾粉絲激死,「呢單嘢我搞咗好耐!」

適逢首場是阿嬌正日生日,阿Sa悉心準備驚喜為阿嬌慶生,她呼籲全場歌迷在凳底拎起海報,並舉起向阿嬌說生日快樂兼唱生日歌,結果由於有歌迷向最前面衝,又有人把海報的顏色互相調亂,破壞了阿Sa原本的計劃,沒有辦法統一生日快樂字句,阿SA搞笑道,「哎呀,我真係俾你哋激死,呢單嘢我搞咗好耐,我嘅概念圖係好靚㗎,依家變咗抽象派啦。」阿嬌笑說,「唔緊要啦,心意我收到晒啦。多謝大家。」

 

姜濤 陳卓賢 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹