Advertisement

關心妍受鄭秀文新戲影響申請做寄養家庭 囡囡若想入行先完成呢件事

本地
2023.04.01

whatsapp-image-2022-06-04-at-11-38-48-pm-27-20220604154409

關心妍(Jade)今個月20日在紅館舉行《Shine妍亮福音慈善演唱會》,近日接受梁泰來主持的商台《星光背後》專訪,為演唱會宣傳。

關心妍接受梁泰來主持的商台《星光背後》專訪
關心妍接受梁泰來主持的商台《星光背後》專訪

跟去年出道20周年紀念演唱會比較,Jade強調這次絕非是Part2,她將聯同十個嘉賓單位演出,雖然只開一場,但製作成本並無減少,只得四個月時間籌備,坦言:「賣晒飛都要蝕!」可是,為了2015年成立的「妍亮生命慈善基金」及一眾受惠能免費入場的低收入家庭,Jade只好硬扛這次善舉,「是沒想過紅館檔期這麼快批出,諗過打退堂鼓,但最後不知那來的信心,自己首次像sales般周圍找朋友投資或支持。」

snapinsta-app_333712412_229179292819064_9153183554634009068_n_1080

在去年20周年演唱會期間,Jade帶同6歲女兒楊榮心(心心)上台表演側手翻,這次囡囡同樣希望有機會演出,她表示心心遺傳了自己害羞的性格,同時發現其興趣亦不在音樂方面而是運動方面:「我覺得佢幾有運動天分㗎!有次佢突然話想攀石同翻筋斗,試完發現佢好鍾意之餘又完全唔驚,所以我後來就送咗佢去學柔軟體操。」心心年紀尚小,Jade仍未考慮是否培養她做接班人,希望她先多作嘗試再決定亦未遲,「最重要佢諗清楚選擇好就要努力去實踐。媽咪做歌手並唔等於佢都一定要做歌手,佢今日係因為媽咪歌手嘅身份被帶上台,而他日佢就係要靠自己嘅努力打出一片天先有上台嘅機會。」她亦強調囡囡假若真的想入行,必先完成學業,「你做咩都得,但書都一定要讀!呢行唔會一入行就有得大紅大紫,你要有一定嘅智慧同EQ去面對唔同經歷。」

另外,Jade又透露最近受到鄭秀文主演,圍繞寄養家庭的電影《流水落花》所影響,決定封肚不再生第二胎,打算待囡囡長大多一點,學懂如何照顧自己之後,就會計劃申請成為寄養家庭,「我希望如果我有咁嘅家庭資源,有咁嘅時間,不如去幫返香港一啲朋友過渡。」她的決定也得到心心的支持,因此大家都有共識一起去做。

Jade受到鄭秀文的新戲影響,計劃申請成為寄養家庭,這個決定亦得到老公與女兒的支持。
Jade受到鄭秀文的新戲影響,計劃申請成為寄養家庭,這個決定亦得到老公與女兒的支持。
MIRROR 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹