Advertisement

開心無敵獎門人|林敏驄馬拉松經典再現 馮盈盈棄港姐包袱玩到戙腳上枱

本地
2022.10.16

whatsapp-image-2022-10-16-at-2-16-58-pm-5

《開心無敵獎門人》今晚(16日)播出一集有「獎門人」曾志偉,帶領五位「獎老」錢嘉樂、阮兆祥、麥美恩、程浩駿及吳嘉儀擔任主持。今集嘉賓陣容有「下流上車族隊」林敏驄、江美儀、羅毓儀(Yuki)、郭柏妍、黃嘉雯(Carmaney)及鄧智堅,及「後生仔傾吓偈隊」陸浩明(六號)、馮盈盈、黃婧靈(波波)、杜穎珊、林正峰及徐文浩。

whatsapp-image-2022-10-16-at-2-16-58-pm-7

數到歷年《獎門人》經典場面,怎少得「常客」林敏驄玩「馬拉松」!是集「開心無敵馬拉松」經典再現,阿驄發揮一貫無厘頭本色,除了答題節奏「慢三拍」,接題答案更平均長達20至50字。眼見阿驄又跩又得戚,獎門人隨即著他再講一次,究竟阿驄能否像當年般將答案倒背如流?及後阿驄再於「開心無敵彈遮遮」環節,演繹水蛇膥咁長經典句子「蘇格蘭場非工業用國際線路…」,即時開心回憶返晒嚟。

whatsapp-image-2022-10-16-at-2-16-58-pm-24

全程不是搞搞震、就是狀況外的阿驄,扯完獎門人假髮又亂按空氣喇叭嚇人,在「開心無敵我最勁」中更亂搬龍門,話說由於阿驄要與波波對戰,獎門人為免頭痕事前千叮萬囑阿驄「唔好周圍望」;對戰期間,阿驄除了唔跟遊戲規則亂咁嗌,連輸兩鋪的他又賴皮示意遊戲其實尚未正式開始,搞到獎門人都冇晒符。雖然出盡「賴皮」招數,但阿驄最終仍難逃食「辣辣壽桃包」命運,更遭勒令連吞3件,其間阿驄欲將咬剩的麻辣壽桃包硬塞給江美儀,美儀姐除了成功避過一劫,更不忘「語帶雙關」反擊阿驄:「其實我平時真係好少頂你啲嘢,我頂你唔順架咋。」

whatsapp-image-2022-10-16-at-2-16-58-pm-12

「開心無敵啜乒乓」則繼續有新紮小花落力參與,有「吸力最強」波波、嘴嘟嘟Carmaney、斯文代表郭柏妍及伸脷童顏Yuki,至於盈盈則為吸波不惜放下港姐冠軍包袱,Standby時已紮行馬表情多多,之後正式埋位又落力撐大雙眼、鼻窿及嘴巴,狀甚可愛及搞笑!之後「開心無敵拍蛋蛋」,馮盈盈仲玩到戙腳上枱,相當豪邁。

whatsapp-image-2022-10-16-at-2-16-58-pm-6

MIRROR 陳卓賢 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹