「鐵馬家族」今年新年去咗「大哥」鄭嘉穎屋企團聚，而黃嘉樂同林子善都有帶埋另一半出席派對，在場唯獨唐詩詠仍然單身，唔知下年會唔會成雙成對咁同鄭大哥見面呢？
林子善、唐詩詠同黃嘉樂先後喺IG post咗鐵馬家族今年團聚嘅合照出嚟，但有眼利嘅網民發現唔見咗棠哥仔馬國明，大家仲估佢同女朋友湯洛雯去咗二人世界。不過林子善就係照片下留言幫馬明澄清：「鐵馬兄弟喺度祝大家疫情快快過去，個個身體健康，心想事成，財源滾滾，步步高升出入平安，好運齊來，連年好運，亦喺度幫「二哥澄清」佢冇出席因為要陪媽咪係屋企打麻雀﹐所以冇到大家唔好屈佢重色輕友呢……我群組有相為證。」
圖片來源：黃嘉樂＠Instagram