鍾舒漫（Sherman） 推出新歌《開心節》，MV內有一男一女的Rapper，幫她rap咗段歌，原來兩位新人是她的好朋友。她說：「他們都是新人，不過唔係我哋公司嘅，男的叫Byron Cheung是音樂人，他本身做很多不同類型的音樂，找他合作是因為他很有talent，大家都見到佢rap得好有型；而女的rapper叫Sing Sing，她原本是我的dancer，未出式出道，她擔任以rap為主，不過是rap廣東話，所以今次她用了很多時間練，我覺得rapper肢體語言好緊要，佢嘅present好正，他們兩個都好有talent。」
Sherman花了個幾月排舞，不過拍攝當日她自覺狀態不好，她說：「拍之前講明大家不要用做嘢心態，要用一個一齊玩嘅心態，但因為自己始終覺得在工作，好認真，不能夠放鬆，大家一見到我咁，就做啲搞笑嘢來氹我開心，加上妹妹嚟探班，成個人激活晒，深深感受到開心真係會傳染。」
