Advertisement

鋪鋪Poker|侯賽因上身《賭俠》經典場面重現 單立文聽老婆話改掉爛蒲性格

本地
2023.02.04

2

由郭偉亮(Eric)、 方力申、胡美貽(Nicole)、黃紫恩(Jojo)同譚焯升(Clevis)主持的《鋪鋪 Poker》,今晚一集嘉賓是單立文 (豹哥)。

豹哥在電影《賭俠》中演大奸角「侯賽因」,賭術精湛鋪鋪幾百萬上落。戲中有句經典對白,是侯賽因奸笑對住劉德華講「開嚟見我『吐啤』,想偷我雞?」這幕今晚將會重現。豹哥亮相節目時亦交足戲,一來就同 Poker 教父 Ricky 講笑話「幫我換廿萬美金先」。 節目一開始豹哥就澄清戲中同劉德華、周星馳鋪鋪幾百萬上落,他說︰「其實真實生活冇賭運,啲人以為我賭術好叻,其實我好渣同個心好怯,唔夠膽贏錢㗎。」

8

Eric 透露因自從節目開始,就已經想請豹哥做嘉賓,因為豹哥對音樂的熱誠, 好值得尊重︰「唔止對佢音樂造詣崇拜,通常做音樂嘅人都好 serious,豹哥好有幽默感。 佢拍劇《愛·回家之開心速遞》同拍《賭俠》侯賽因嘅角色好經典,想睇佢同賭枱嘅啤牌再發生關係。」

幾位 J2ers 都對候賽因的角色印象深刻,Clevis 表示已不止一次重溫《賭俠》這套戲。估不到第一鋪牌,豹哥就重現同劉德華對決的場面。當時牌局只剩下豹哥跟 Nicole,豹哥手上的牌,正好同枱上的啤牌組成「吐啤」。

豹哥自言向來沒有賭運,最多都是打麻雀,又笑言敢輸不敢贏,因為贏了的錢不懂處理。 他還自爆有過瘋狂歲月,試過有年多兩年的時間,每日都是 6 點半新聞時段才起床,他笑說︰「嗰時興 Rave Party,日頭瞓,夜晚就去玩。啲腳有 LMF、謝霆鋒、何超儀,玩完一個場仲唔夠,玩到最後一個場,磨爛蓆仲周圍問人有冇第二個場。」差不多每日都是「見光死」,玩到朝早才返屋企。而老婆胡蓓蔚則以「煩音」勸豹哥「唔好咁夜瞓啦」,豹哥最後都聽老婆話,改掉壞習慣,「同以前啲腳傾起,都好有回憶」。

星級企業大獎2020 聲夢傳奇 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹