Advertisement

鋪鋪 Poker|陳曉東爆雙眼打針急救青光眼 劉浩龍台上蝦碌有兩招自救

本地
2022.11.06

whatsapp-image-2022-11-06-at-4-25-32-pm-3

《鋪鋪Poker》昨晚(5日)播出的一集,由郭偉亮(Eric)、師兄劉浩龍同胡美貽(Nicole)主持。嘉賓有黃紫恩(Jojo)、譚焯升(Clevis)同繼續登場的「凍齡男神」陳曉東。

whatsapp-image-2022-11-06-at-4-25-32-pm-19

因為玩親啤牌都輸,所以被Eric戲稱為「慈善賭王」的陳曉東,剛完成香港演唱會,他話體質比較敏感,一到臨近開演唱會的日子,把聲就會沙,要到醫院打開聲針搞掂。他又話試過有次險盲同玩手機有關,他忠告玩手機時一定要開燈︰「嗰次喺橫店拍戲休息,冇開燈情況下睇手機,睇完手機,個人暈暈哋即刻去廁所嘔,上網睇懷疑係急性青光眼,仲話唔及時醫治,兩日內可以失明。」之後越來越朦,好似在水入面看東西一樣。完成最後一場戲後,一行人即刻出發到上海,去到醫院已經凌晨時份。幾小時的車程內陳曉東自言想了很多事,最擔心是失明,總之越諗越驚。 

whatsapp-image-2022-11-06-at-4-25-32-pm

去到醫院二話不說,醫生先替他打了支類固醇,即時反應是現場好似開了燈一樣「光晒」︰「眼壓即刻低返,照完CT Scan仲嚇死你,隻眼角膜壓彎到超出屏幕顯示範圍。」要徹底醫治惟一方法,是直接將藥打入眼,才一勞永逸。聽見都痛,在沒有選擇下,由麻醉到在雙眼注射藥物,陳曉東形容都非常恐怖,特別是望住支針拮向隻眼那一刻,整個人繃緊。若果不是雙手被扣着,他笑言擔心自己會打醫生一搥。

whatsapp-image-2022-11-06-at-4-25-32-pm-13

今次玩牌都係其次,三位唱家班主力吹水。他們講到台上「蝦碌」執生事件,師兄話最難忘有趟,在一個過萬人大騷出場,唱到中途忘記歌詞︰「好大段,作都作唔到,已經尷尬到低頭𦧲都唔得,好在有現場fans喊,我咪扮感動喊埋一份,先過到關。」他們笑言「扮喊」好使好用,另一招歌手慣用技倆就是「對咪一齊唱」︰「遇到個音太高唱唔到,最簡單咪『對』個咪向住現場觀眾,叫佢哋一齊唱囉。」

姜濤 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹