Advertisement

金像獎入圍名單|林保怡大戰梁朝偉黃子華爭影帝 余香凝成影后大熱對決王丹妮衛詩雅

本地
2024.02.06
撰文:卡林攝影:Andy

whatsapp-image-2024-02-06-at-4-11-05-pm
今日(6日)大會公布《第42屆香港電影金像獎》19項提名名單。

【今日睇咗未?】金像獎入圍名單 林保怡大戰梁朝偉黃子華爭影帝 余香凝成影后大熱對決王丹妮衛詩雅|蔡思貝33歲生日跟雙親慶祝 笑阿爸唱祝壽歌走音繞樑三天(06/02/2024)

《第42屆香港電影金像獎》將於4月14日(星期日)假香港文化中心舉行。今日(6日)大會公布19項提名名單。最佳電影方面,《白日之下》成為最多入圍電影,一共有16項提名,《年少日記》及《金手指》各有12項提名。至於《毒舌大狀》及《命案》,各有10項提名。

 

最佳男主角方面,首度入圍的林保怡憑《白日之下》,將跟梁朝偉《金手指》、大鵬《第八個嫌疑人》、盧鎮業《年少日記》及黃子華《毒舌大狀》爭影帝殊榮。至於最佳女主角方面,大熱余香凝憑《白日之下》,將跟鍾雪瑩《填詞L》、謝安琪《4拍4家族》、衛詩雅《不日成婚2》、王丹妮《毒舌大狀》爭奪影后。

 

最佳男配角方面,吳慷仁憑《但願人長久》成功入圍,與姜大衛《白日之下》、黃梓樂《年少日記》、李尚正《死屍死時四十四》及謝君豪《毒舌大狀》爭奬。最佳女配角提名則有梁雍婷《白日之下》、金燕玲《不日成婚2》、楊偲詠《毒舌大狀》及韋羅莎《年少日記》。莊文強憑《金手指》,與卓亦謙《年少日記》、簡君晉《白日之下》、鄭保瑞《命案》及吳煒倫《毒舌大狀》爭最佳導演獎,當中吳煒倫亦同時入圍「新晉導演」!

對於獲得提名,入圍「最佳男主角」的林保怡表示︰「好開心,好興奮,因為真係第一次有咁嘅成績,獲提名已經好似得咗獎咁,多謝大家。」入圍「最佳女主角」的余香凝興奮說:「好開心《白日之下》有咁多提名,我自己就唔會諗個獎項啦,但我真係希望團隊其他人可以有多啲嘅獎項同肯定,因為大家都係好努力地去拍呢一部戲!」獲提名「最佳女配角」的廖子妤表示:「《毒舌大狀》係我演藝事業中其中一個最重要的里程碑,除咗喺票房得到好好成績,依家喺金像獎又有咁多項提名,真係好開心,我哋拍攝時都好開心,每日就係講劇情,點樣可以做得好啲,我喺導演身上得到好多力量,要多謝啲對手,我嘅好姊妹王丹妮同楊偲泳,我好期待金像獎一齊行上紅地氈嗰一日。」而獲提名最佳男配角的謝君豪《毒舌大狀》表示︰「好開心!多謝所有投票俾「金遠山」的電影人,《毒舌大狀》喺舊年年初上映時得到很好的成績,之前亦剛剛亦憑呢個角色拿到新時代國際電影節最佳男配角,多謝大家支持!好開心,另一方面好刺激,因為今年男配角提名高手如雲,能夠有份提名,與有榮焉。多謝導演吳煒倫寫左一個咁好嘅劇本,同埋俾一個咁好嘅機會我去演繹呢個角色,今次獲得10項提名!真系好開心!我會繼續努力,多謝!」

MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹