Advertisement

鄭秀文為個唱影海報操到盡 弗爆挑戰性感Punk look

本地
2023.05.04
撰文:卡琳
whatsapp-image-2023-05-04-at-4-20-01-pm-8
好期待啊!

鄭秀文(Sammi)將於七月舉行8場《You & Mi鄭秀文世界巡迴演唱會香港站 2023》紅館騷。

 

Sammi表示非常期待今次的演唱會海報拍攝,她說:「我今日心情又興奮又緊張,好希望拍到一輯好理想嘅海報,無論概念、造型、服飾、攝影,甚至耳環都好講究,帶出不一樣感覺俾觀眾,大家睇到就會明白。」她還透露事前認真做了一些功課:「我喺拍攝前做好皮膚護理、瞓好啲、做mask等基本準備,今日影海報呢條裙確實有少少難著,因為剪裁特別又好多元素,有舞台感、高貴感,仲有啲Punk,一套衫有咁多元素,好特別,所以我都要做好身形管理。結果無問題,已經過咗一關啦,我好滿意!」

whatsapp-image-2023-05-04-at-4-20-01-pm-5
Sammi表示為了在海報呈現更好效果,不停做運動和早睡!

一向身材弗爆的Sammi表示,以前飲食比較節制,現在心態較隨意,不變的是堅持勤做運動。她說:「我試過168( 每天8小時進食),甚至204( 每天4小時進食),但有時好想食都會照食!依家我好隨心,無限定一個食嘢方式。如果需要著套衫修身啲,就飲食檢點啲,如果套衫輕鬆啲,我有時會一日食三四餐,最緊要做運動,食多啲都唔怕!」

 

對於7月紅館演唱會,Sammi十分重視每項細節,她說:「除咗唱歌部分,點樣呈現不一樣嘅演繹方式都好重要,我諗嚟睇演唱會嘅歌迷,心目中對呢方面都有要求,希望多啲嘢睇、多啲元素。服裝造型,我自己都好鍾意著靚衫,好鍾意Fashion,所以呢方面一定唔缺少。至於歌曲和音樂部分,我同基爵(音樂監製梁基爵)咁多年夾得好好,我哋都想做到多嘢聽和睇,我好鍾意一個演唱會內有不同元素,亦都係我自己做演唱會嘅方向。」

 

姜濤 陳卓賢 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹