Advertisement

鄭伊健澳門巡唱願望成真 送歌鼓勵做手術未甦醒歌迷

本地
2023.04.25
撰文:孜卓芹
鄭伊健一度感觸眼泛淚光,甩了兩句歌詞。
鄭伊健一度感觸眼泛淚光,甩了兩句歌詞。

鄭伊健《HERE & NOW EKIN IN CONCERT 2023》世界巡迴演唱會,首場剛於周末(22日)在澳門開鑼,現場氣氛超High,伊健嫂蒙嘉慧、Nowhere Boys主音Van與太太在台下捧場,跟住又唱又跳,非常投入。
去年伊健在香港開騷時疫情仍嚴峻,今次澳門站,觀眾可以不戴口罩,來自世界各地歌迷都高舉寫了自己地方名稱的燈牌,閃爆全場。有歌迷一開場就喊,伊健在台上亦一度眼濕濕,完騷後他說:「今晚太多回憶,唔可以一下子講晒,作為一個歌手藝人,佢哋嘅支持係我哋嘅能量。我有見到佢哋嘅反應,會返去回味。好多嘢唔係必然,我哋都要珍惜!」

伊健非常感激歌迷的支持。
伊健非常感激歌迷的支持。

演唱會準8時開騷,舞台設計與歌曲流程都接近香港紅館演唱會,歌迷一早到場打卡和排隊入場。期間伊健一邊唱歌一邊與舞者玩掟波仔時「中頭獎」,幸好他反應快,只是擦過額頭,閃躱後忍不住傻笑。疫情過後再開騷,伊健看到台下歌迷的熱情,他說:「我哋開呢個演唱會,就係想帶俾大家希望。當時我哋希望唔使戴口罩,依家真係唔使戴啦!」全場掌聲。

之後音樂總監陳光榮率領樂手台上與伊健Jam歌,伊健就帶埋小師妹黃淑蔓(Feanna)、雲浩影(Cloud)和Rapper朱雋言登場。到演唱會接近尾聲,伊健唱《只會因你唱》中段時,說:「呢首歌特別送俾一位歌迷,佢做咗個手術,希望佢醒返,睇到呢條片。」全場觀眾大合唱,他一度感觸眼泛淚光,甩了兩句歌詞,深呼吸後才繼續唱。

演出順利完成。
演出順利完成。

完騷後伊健、Feanna和Cloud接受訪問,伊健感激歌迷支持和給他能量,他又大讚兩位小師妹台上清唱好勇敢。聽到兩位小師妹表示要跟他去其他地方巡唱,伊健笑說:「希望繼續開騷都可以帶埋佢哋一齊去。」

聲夢傳奇 陳卓賢 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹