Advertisement

郭嘉駿新歌MV似拍劇場版 吳海昕被「家暴」滿手瘀痕

本地
2024.03.27
撰文:孜卓芹
193與Dee導和吳海昕成為鐵三角。
193與Dee導和吳海昕成為鐵三角。

郭嘉駿193今年首支單曲《B出口》,除了早前公布了由何啟華Dee首次操刀執導MV外,更有之前與193合作舞台劇的吳海昕Sofiee加盟演出,鐵三角組合,想不到竟然發生家暴事件,Sofiee更弄得滿手瘀痕!

吳海昕展示瘀傷。
吳海昕展示瘀傷。

193大爆MV因為有Dee大導,故今次是他的MV中𢱑得最多Budget的一次:「Dee大導好多想法,話要爆破!話應該冇乜人MV會爆破,所以要爆破。然後又要流血!好多奇怪諗法!」諗法多自然拍得多,193都想不通Dee的想法,「我哋分咗兩日拍,每日拍咗十幾個鐘,啲劇情係多到我覺得可以出一個劇場版,起碼30分鐘都仲有嘢剩,多到黐線,我都唔明Dee可以點樣整落去。」

193拍了兩日偼日十幾粒鐘。
193拍了兩日偼日十幾粒鐘。

作為情歌當然要有女主角,但原來過程中曾經換角,193解釋原本找來約20歲的女生演,跟他年紀相差很達,但因劇情講述回憶二人十多廿年前片段,193笑說:「十幾廿年前佢仲係粒卵子……」然後他想起剛合作完舞台劇的Sofiee。193十分感謝Sofiee不計酬勞,近乎貼錢演出,與此同時,他亦深感歉疚,因為在拍攝過程中,他整傷了Sofiee。

有牀戲!
有牀戲!

193說:「有場情緒戲,拍咗好多次,可能有7、8 Take,Dee老師有好多唔同要求,我哋都跟足做,其中我要同Sofiee鬥力,我要雙手捉住佢阻止佢發癲,但我估唔到自己天生力大無窮,打開籃球嘅右手捏佢左手,結果捏到瘀晒,估唔到瘀到好似家暴,唔係一般嘅瘀,幾個鐘頭後已經變到紫黑色好似中毒一樣,所以我都好過意唔去。」不過193表示Sofiee要自求多福,因為劇組未能夠讓她索償醫藥費。「我頭先有Offer,最多買支去瘀膏或者跌打酒俾佢,但Sofiee冇理我。」對於被捏到滿手瘀痕,Sofiee就說:「兩睇啦!望落去就疑似好暴力,但對於33嘅老婆嚟講,佢係好大隻呀!平時係有操開,都有啲功力。」

MIRROR 姜濤 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹