Advertisement

邵仲衡拍舞台劇海報被叫「大前輩」 黃溢濠嫌未夠辛苦想試「組接組」滋味

本地
2023.03.29
撰文:卡琳
whatsapp-image-2023-03-29-at-3-55-44-pm-7
Aka和黃溢濠親暱拍攝海報,令溢濠顯得尷尬。

邵仲衡、趙慧珊(Aka)和黃溢濠首次為舞台劇《晚安》合體拍攝海報,Aka和黃溢濠親暱拍攝,令溢濠顯得尷尬,拍攝期間邵仲衡仲大叫:「你唔好摸佢!」,令現場氣氛非常搞笑。

 

事後Aka就自爆「大佬孝」喝止自己摸溢濠,更笑稱對方「硬晒呔」:「其實溢濠佢真係好紳士,每次掂到我都會講聲『我會掂到你條頭髮、我會摸到你膊頭』,所以我叫佢當我男人咁影就得。之後到我主動摸溢濠,就比孝哥叫停喇,因為佢睇晒劇本知道我哋啲關係,叫我點到即止。」Aka表示這部劇為自己度身訂做,多年都被一個夢困擾,「我一個星期都會發同一個夢三、四次,夢境係講我著住校服同老師講再見,起初都覺得懷緬吓,因為都冇機會再著校服啦?到後來係覺得又係呢個夢,都有啲想知夢境有咩含意。」

whatsapp-image-2023-03-29-at-3-55-44-pm-18
邵仲衡表示Aka和黃溢濠稱呼他為「大前輩」!

邵仲衡這次跟Aka、黃溢濠合作,二人稱呼他為「大前輩」,他笑說:「佢哋有咩演戲嘅奇難雜症,都可以搵我傾,我都幾吹得吓。今次喺劇入面,講我賣二手衫,有諗過搵私伙衫做道具,原來角色都比較斯文,啲衫未必好夾。」對於《晚安》的宣傳語句「說一聲晚安,睡一場好覺,發一場好夢。」邵仲衡表示:「我都試過夢境預知未來,當年喺TVB拍劇,一直都冇同梁朝偉合作,但發夢同佢喺餐廳食飯,到咗第二日竟然夢境成真同偉仔同枱食飯。」

 

至於近期忙於拍攝工作的黃溢濠日夜顛倒,竟忘記日前與Aka同場演出,搞到非常尷尬,「昨晚都係拍通宵,返去抖一抖再嚟呢度開工,影完海報就要再返去拍過,真係隨時都瞓得着。其實我係第一次做舞台劇,最驚就係背對白呢一部份,但係大佬孝叫我放鬆去享受個舞台,所以有咩都會捉住佢攞料㗎喇。雖然呢排好忙,但我都係嫌未夠辛苦,想試吓啲『組接組』嘅滋味。」

MIRROR 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹