Advertisement

逆天奇案2|79歲尹光演頑固老人勁搶Fo 孖容天佑合唱首本名曲《荷里活》

本地
2024.04.13

whatsapp-image-2024-04-13-at-13-36-11-1

無綫劇集《逆天奇案2》,昨晚(12日)一集,最大焦點絕對是首度拍攝無綫劇的「光B」尹光!劇情講述地產發展商欲收購河埔村用地作發展用途,整條村獨欠頑固老人昌伯(尹光飾)不肯賣地,令剛升任村長的啟熙(謝東閔飾)非常頭痕,多次苦勸昌伯都食白果;一日,被灌醉的啟熙再去昌伯家進行遊說,遭激動的昌伯拎起拐杖狂打,啟熙一時情急將昌伯推倒,翌日傳出昌伯死訊,啟熙因此被控誤殺,啟熙的懷孕太太恩(菊梓喬Hana飾)頓失依靠,並請求Hazel(蔣祖曼飾)幫助。事件後來出現反轉,森Sir接手調查後,發現是黑幫為了逼昌伯搬走,出招令昌伯的家斷水、斷電兼cut埋電話線,昌伯最終死因是家中平安鐘失靈以致失救致死 ! 

光B現身《逆天2》令網友大感驚喜,現年79歲的光B將角色頑固特質演繹到位,講對白時中氣十足兼相當流利。《逆天2》是光B首次拍攝的無綫劇集,問到為何願意接受挑戰?光B受訪笑言:「係監製家豪哥邀請嘅,佢叫到咪試吓囉。」問到拍攝難忘事?他笑說:「因為今次入咗新界嘅村屋拍攝,嗰度又多樹,當日又咁啱落雨,好多蚊蟲,咬到周身都係!」光B坦言覺得拍劇挺好玩,事前自己亦做足準備功夫:「收到劇本後,你要背熟晒入面嘅內容,同埋要揣摩個角色,咁先為之一個好嘅演員。背對白都幾難,但要將勤補拙,讀多啲背熟啲,當係歌詞咁背囉。」會否戲癮大發想再拍劇?光B說:「最緊要睇角色適唔適合自己,如果適合我都會玩落去,因為我鍾意向難度挑戰。」

whatsapp-image-2024-04-13-at-13-36-34-1

 官方釋出相關拍攝花絮,光B與Hana和謝東閔有不少對手戲,三人亦合作得相當愉快,光B未埋位前更與Hana合照留念。問到與兩位合作感覺,光B大讚:「Very Nice啦佢哋,又好傾又好玩,又好照顧我!」有「廟街歌王」之稱的光B,在花絮片中更孖住容天佑合唱首本名曲《荷里活》,配搭新鮮。

whatsapp-image-2024-04-13-at-13-36-36-1

陳卓賢 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹