Advertisement

輕.功|蔣祖曼向黎耀祥偷師被視帝級演技感動 朱敏瀚拍得輕鬆有回家感覺

本地
2022.12.04

photo-resizer-2022_12_04_02_42_09

《輕.功》緊接台慶劇《超能使者》於明晚(5日)播映,演員陣容包括黎耀祥、龔慈恩、蔣祖曼、朱晨麗、朱敏瀚、鄭子誠、歐瑞偉、韋家雄、寶珮如、王綺琴及楊卓娜等。

17

《輕.功》有兩大好戲之人黎耀祥及龔慈恩坐鎮,劇中飾演他們子女的蔣祖曼、朱敏瀚同樣值得關注。現年37歲的蔣祖曼演技備受肯定,她在《鐵探》、《使徒行者》及《逆天奇案》的演出大獲好評,今次首度升呢做女一,飾演的洪翊嵐是一位女強人,做事果斷能幹,同時亦是一位「控制狂」,鍾意咩都管住晒,雖然她不時頂撞老竇洪十一(黎耀祥飾),但其實內心十分關心爸爸。另外,翊嵐自己亦要面對感情問題,令她只好寄情工作。長年責任如山的翊嵐,如何「放低枷鎖、放輕自我」,是她要面對的「輕功」。

蔣祖曼受訪時透露收到劇本後十分開心,因為多年來都沒有演過小品劇,她說:「終於可以試啲未做過嘅角色同戲種,同時我就變得好緊張,因為要變番新人學習新嘅嘢。」她覺我洪翊嵐這個角色有很多內心變化,在做人處事方面跟現實中的自己完全不同,但仍有相同之處,「對屋企人嘅態度,佢又有我嘅影子喎,其實每個人睇呢套劇,都可以喺唔同角色上搵到自己個影子,我覺得劇集slogan好好,『100個人,100種共鳴』。」祖曼很榮幸可以跟視帝祥哥合作,「我成日趁佢拍攝時睇Mon偷師,好多場戲都睇到我哋眼濕濕,真係演得好好。」

photo-resizer-2022_12_04_02_42_00

朱敏瀚(朱仔)飾演的洪翊風,性格簡單隨和但欠缺上進心,如何從小朋友變成「舉重若輕」的男子漢,是翊風需要學習的「輕功」。朱仔今次是繼《拳王》後,再與祥哥結父子緣,他表示:「好開心可以再同佢合作,上次佢個角色比較有權勢,同佢有一種距離感,今次就係一個正常家庭,關係Close好多,感情戲同交流都多啲,有一排開工好似返咗屋企咁,拍得好輕鬆自在。」提到「家姊」祖曼,他說:「大家年紀真係似姊弟,同埋現實我得兩個阿哥,其實有個家姊都幾好吖,家姊真係會特別錫細佬。」

另外,值得觀眾留意的是,劇集會延續同樣由黃偉聲監製、龍文康任編審的《牛下女高音》精神,劇中重現不少經典金曲翻唱版,包括《深愛着你》、《一生何求》、《現代愛情故事》、《飄》、《也許》等,也許能勾起觀眾的集體回憶。

陳卓賢 姜濤 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹