Advertisement

輕功|獲網民大讚演乜似乜 61歲歐瑞偉自認唱歌唔叻

本地
2022.12.22
撰文:孜卓芹
歐瑞偉今次展現文質彬彬一面。
歐瑞偉今次展現文質彬彬一面。

歐瑞偉在處境劇《愛.回家之開心速遞》演舅父KC成功入屋,今年更是劇接劇,先後參演了《鐵拳英雄》、《金宵大廈2》、《黯夜守護者》、《超能使者》、《輕.功》和即將播出的《有種好男人》,無論忠、奸,深情或搞笑角色,他都拿捏得很好。

今次歐瑞偉在《輕.功》飾演錦賢,角色比較文靜、內心戲較多,但沒難到他,他更展現出文質彬彬一面,獲網民大讚演乜似乜。瑞偉受訪時歸功於劇本寫得好:「呢個角色唔難演嘅,因為都唔多出聲,都係跟住劇本嚟演。其實錦賢背後有個故仔嘅,以前佢鍾意咗個當紅女演員,後來個女演員同咗第二個人結婚,但一切都只係佢一廂情願,呢個心結埋藏咗喺佢心入面好多年。」

志威同錦賢大打出手,勸交嘅十一無辜硬食咗一拳。
志威同錦賢大打出手,勸交嘅十一無辜硬食咗一拳。

昨晚播出的一集,劇情講到志威(韋家雄飾)希望圓夢再拍電影《輕功》,遂鼓起勇氣面對當年因該片種下心結的錦賢,求對方出山完成劇本,惟錦賢以江郎才盡為由拒絕,志威改以激將法鬧錦賢是縮頭烏龜,兩人因此大打出手,勸交的十一(黎耀祥飾)更無辜硬食錦賢「兜錘窩面」。

歐瑞偉早前在《超能使者》演大反派。
歐瑞偉早前在《超能使者》演大反派。

龍虎武師出身的歐瑞偉,早前在《愛》劇表演後空翻,年屆61歲依然身手敏捷。今次打交更是小兒科,不過提到在劇中要再開金口唱歌,他則謙稱:「都係唱返自己熟悉嘅歌,難度都唔算高,但都係要練吓歌,同埋我冇乜唱歌癮,因為始終唱歌都唔係叻,出去登台來來去去都係唱嗰幾首。」

歐瑞偉仲大開金口唱歌添。
歐瑞偉仲大開金口唱歌添。

 

星級企業大獎2020 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹