Advertisement

趙善恆情傷兼喪父自揭抑鬱1年 「我冇死到已經好好彩」

本地
2024.02.19
撰文:卡林
恆仔今日凌晨在社交平台公開承認患抑鬱症一年,並感謝跑步救了他一命!

樂隊ToNick主音趙善恆(恆仔),去年與拍拖十年的譚杏藍分手,更經歷父親因病離世,情緒備受困擾!當大家以為他已走出陰霾,恆仔今日(19日)凌晨在社交平台公開承認患抑鬱症一年,並感謝跑步救了他一命!恆仔寫上:「有啲嘢好想講,因為我怕我真係會做傻事,我只會講一次,都唔會再回應。話說啱先有個『朋友』走埋來同我打招呼,咁我客氣咁寒暄咗幾句就算,但同呢位『朋友』對話之後我發現,我真係頂唔順啦!其實我抑鬱咗一年,爭啲想走,感謝跑步真係救咗我好多。上年我爸爸走咗,亦同一齊好多好多年嘅女朋友分手,分咗手之後,當每一個人關心問我點,佢哋都會不經意咁講一句:原來你乜都唔知㗎?然後我就會聽到一個新嘅人名,我身邊啲同事同埋朋友,之前佢哋唔講比我聽,係唔想影響我,我仲好似一個小朋友咁樣,鍾意創作,想做好每一件事,又好想做啲好嘢出嚟。」

 

恆仔表示受情緒困擾後,經常在人們面前扮正常,並用了一年時間處理自己的情緒,他寫上:「作為幕前,又唔想引起不必要嘅風波,費事影響到啲project同客戶,咁就不斷隱瞞自己情緒,扮正常,繼續發放正能量,然後我用咗一年時間處理我嘅心情,我冇死到,其實已經好好彩,但我唔想再扮啦!我而家都開始一段新嘅感情,而家係向建立一個好家庭方向出發,我淨係想好好地生活,做好我嘅工作,有一個好好嘅家庭,好好經營我嘅團隊,係咁多。好少打咁多字,但因為我發現我真係面對唔到呢個情緒,唔想工作唔到,生活唔到,唔想開始唔到一段健康嘅新關係。所以,最重要係唔該咁多位關事嘅『朋友』,唔好再走過來同我打招呼,我唔會公開任何人名,只係想你哋知,我唔再係咩都唔知,而家我只想好好生活。」

不少恆仔的圈中好友阮小儀、游學修、江嘉敏、麥子樂均留言為他打氣,而好兄弟周國賢則留言:「我知道你喺呢段日子,一定過得非常唔容易,我哋旁人亦冇辦法能夠明白你喺戰場上孤獨作戰嘅真正感受,但係你要相信你唔係自己一個,好多好錫你嘅人,都與你一起同行中!我認識嘅你一直都好勇敢、好善良同埋其實內裏非常勇敢,非常強壯!唔好放棄,我會陪你一齊行。如果真係避唔到,咁我哋一齊捱。」

姜濤 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹