Advertisement

超能使者|陳展鵬一死救全家感動網民 監製文偉鴻爆創作靈感源自經典巨著

本地
2022.12.03

313521987_1177049203239995_672813413919925250_n

無綫台慶劇《超能使者》昨晚(2日)大結局,劇情高潮迭起,當中兩大高潮位──黑幫頭目賀慶隆(歐瑞偉飾)終極復仇之戰,以及阿鏈(陳展鵬飾)逆轉時光「一死救全家」,更掀起網上討論。

116240929_600949880586061_8563465108387926108_n

最後一集劇情講述,阿鏈細佬鍾孝添(黃庭鋒飾)慘成賀慶隆的人質,威仔(沈震軒飾)在賀慶隆的威脅下,被逼「發功」傷害阿鏈和高勇(陳山聰飾),見阿鏈被糟質至吐血倒地,反叛的孝添終醒覺並作出自我犧牲。此時,不再受牽制的「使者」全力反擊,Open姐(劉穎鏇飾)更型爆飛身膝撞兇徒。當阿鏈、高勇及威仔欲逃離現場之際,賀再次殺出並向高勇、威仔開出多槍,阿鏈即「時光倒流」令兩位兄弟重生,又以「停頓時間」將賀的槍頭反指自己,最終賀「自食其果」中槍身亡。而阿鏈和高勇卻因異能後遺症發作而命危,威仔用盡最後一口氣將元氣輸給二人後便離世……

阿鏈與高勇死裡逃生,分別向Q姨(唐詩詠飾)和Open姐求婚,就在大喜之日,他們的異能後遺症再次發作,Q姨奔赴阿鏈身邊途中遇上嚴重車禍。目擊Q姨被撞飛的阿鏈為救所愛的人,激發出前所未有的巨大「時間倒流」能力,並將日子扭轉至「6月6日6時6分6秒」大型車禍之前,迅速老化的阿鏈在人生剩餘的少許時間,向一班已忘記「過去」的使者Send出遺言片段及合照,場面感人。然而最大「洋蔥」在後頭,Q姨看畢短片後,發現已老死街頭的阿鏈,當她輕拍對方的手時,即喚起兩人共同經歷的苦與樂畫面,此情此景不但令Q姨落淚,更令網民紛紛大嘆催淚:「估唔到咁感動」、「睇到眼濕濕」、「呢下接觸拎回憶幾感人,起晒雞皮」、「個音樂起得好啱位」、「Q姨真視后」、「展鵬啲演技睇到我又肉緊又心酸」。

提到《超能》首集,5位主角分別坐上「亡命」小巴和的士,並於6月6日6時6分6秒遇上車禍,繼而各自激發出不同的超能力,不少網民都好奇「666」到底有甚麼玄機?監製文偉鴻(Jazz)受訪時,親自拆解「666」之謎,原來一切創作靈感源自《西遊記》。對於《使徒行者》與《超能》均以「使者」命名,前者圍繞著使者「苦練修行」的故事,這次《超能》也不例外,Jazz說:「呢套劇係延續過去作品『苦練修行』嘅理念,我本身對《西遊記》好有興趣,但呢個故事大家已經見慣見熟,所以今次用時裝同超能力去Repack。」

116809705_734198437373212_4962014075819045295_n

至於魔鬼數字「666」的出現,Jazz則引述佛學「真佛無形,真法無相」,並解釋道:「上天今次透過『魔鬼』嘅形態給予角色試煉,想睇吓一班使者能否抵擋誘惑、修成正道。點知啲超能力原來可以咁恐怖,但佢哋最終都冇選擇做壞事,本來貪錢又怕死嘅阿鏈仲犧牲小我,救番所有人。其實成魔成佛都係取決於你心中有冇愛。」另外,劇集播放期間,網民一直猜測有否第六個或以上的超能使者,Jazz答:「其實『6月6日6時6分6秒』已經暗示咗五個6字,代表有五個超能使者接受修行。」

監製文偉鴻
監製文偉鴻
陳卓賢 姜濤 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹