Advertisement

譚輝智慘遭拉姑派檸檬 愛的宣言老婆感動爆喊

本地
2024.05.27
撰文:孜卓芹
譚輝智首個個人演唱會順利完成。
譚輝智首個個人演唱會順利完成。
【今日睇咗未?】吳子冲「赤裸粉紅」連阿爸都問 樊亦敏嘗鮮肉:其實我都唔係咁渴求|譚輝智慘遭拉姑派檸檬 愛的宣言老婆感動爆喊(27/05/2024)

譚輝智於九展舉行的《Fight For You演唱會》已於昨晚(26日)順利完成,全場爆滿獲陳淑芬、狄波拉、周國豐、張佳添、張家誠、羅啟豪、李佳及安雅希等到來捧場。

輝智先以一曲《我恨我痴心》揭開序幕,深得狄波拉歡心的輝智在台上說:「其實有一位同我差唔多年紀嘅巨星,佢16歲時就出道,佢唱嘅歌我由細聽到大,其實我好喜歡佢,你哋都聽好多佢嘅歌,今晚我就請到佢……嘅媽媽拉姑嚟,拉姑你喺邊?」、「老實講,我真係好唔明白拉姑你個仔咁出色,點解你會留意到我呢pat嘢?而且經常親身嚟捧我場,跟住我要將以下嘅歌曲送俾你。」之後他唱出《愛後餘生》,逗得台下拉姑又笑又眼濕濕。

忠粉拉姑捧場。
忠粉拉姑捧場。

首位嘉賓肥媽(Maria Cordero)出場和輝智合唱一曲《重口味》後,肥媽說:「要多謝TVB和志偉哥(曾志偉)做咗呢個節目出嚟,大家應該俾掌聲台前幕後工作人員,呢個節目令唔認識嘅人變成一家人。」之後找來一眾「中二生」顏米羔、劉威煌、甘永傑、梁浩賢、陳俞霏、陳蒨葶、林若盈、陳燕娜和周碧嘉等唱出多首兒時回憶歌曲。

較早前輝智曾說粉絲可向他提問問題,他會在演唱會上回答,他在台上也兌現了這個承諾,當中包括問及他有多少身家以及會否找拉姑做他的歌迷會會長?卻被拉姑大派檸檬,拉姑說:「我有個謝霆鋒邀請我做會長,所以多謝你們邀請,我做『阿四』得喇,因為我以前係『四嫂』,可幫佢做『阿四』。」之後又選了譚輝智太太發問問題,聽到太太問:「死仔包!激親老婆你會點處理?」譚輝智即笑道:「佢癲咗!送首歌俾你。」隨即唱出《離家出走》,場面搞笑。

同中二生唱兒歌。
同中二生唱兒歌。

在古淖文獻唱《Stand Up》後,輝智再度現身台上,熒幕也同時播放他由小到大的照片,之後也有他和太太以及兒子的合照,輝智借此機會向太太及父親感謝這段時間的包容和支持,他把《講你知》和《大個女》及首支單歌《多麼感激》送給家人,感激太太為他處理一切,令太太感動得當場爆喊;獻唱《大個女》送給子女時,自己亦忍不住流淚。尾聲他以一連串快歌兼大騷舞技,最後以《與我常在》為演唱會作結。

譚輝智受訪時對自己表現僅僅合格,體能上只僅僅應付到,更有幾首入錯歌,仍有很多進步空間。他笑言老婆平時不會叫他做「死仔包」,最多叫他「死佬」,問他又會怎樣稱呼老婆?他說:「我當然唔會叫佢做『死婆』,咁樣叫死硬。」

輝智搞喊老婆。
輝智搞喊老婆。

問是否特地趁這個機會向太太表達愛意?他說:「都唔知有沒有第二次機會,其實唔只向我老婆,係將所有都攞出嚟講,我結婚時都冇講過咁多心底話,我平時好少喊,但唱呢首歌俾子女時,都忍唔住眼淚。」對於被拉姑請食檸檬,當面拒絕當歌迷會會長,問可有不開心?他說:「好正常,唔通唔請咩?檸檬喎!我咪唱檸檬(霆峰)嘅歌囉,好多謝佢每次嚟支持,其實我到𠵱家仲未解答到,次次都問佢我有乜嘢好,佢都唔答我,可能我個樣冇乜攻擊性。」

姜濤 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹