Advertisement

譚輝智想見痰輝智真身 讚關嘉敏超勁連仔女都認錯爹哋

本地
2024.07.04
撰文:孜卓芹
譚輝智與痰輝智同框跳唱《屈到病》。
譚輝智與痰輝智同框跳唱《屈到病》。
【今日睇咗未?】陳雅倫高調告白舊愛黃尚偉 分手24年仍然「放不下」|譚輝智想見痰輝智真身 讚關嘉敏超勁連仔女都認錯爹哋(04/07/2024)

關嘉敏(Carman)在《福祿壽訓練學院終極對決》以「痰輝智」神還原譚輝智唱《屈到輝智病了》,雖然最終未能奪冠,但她的表演獲網民洗版被認同,就連本尊譚輝智都在社交網轉發片段大讚神似。

當日關嘉敏扮得好出色。
當日關嘉敏扮得好出色。

從未有機會碰面的二人,昨日(3日)為《東張西望》到電視城相會,Carman坦言首次見面感覺好怪:「其實咁睇我哋係唔似㗎!」輝智接着大讚:「嗰吓先睇到佢嘅功架,就係唔係完全我啲樣嚟,佢靚咁多,點解會扮到我,佢係醜化呀,最難又要做返唔識跳舞,好勁!」

譚輝智、關嘉敏首碰面。
譚輝智、關嘉敏首碰面。

輝智指當晚很多人傳Carman演出時的截圖給他,並展示其中一張,笑指似到好誇張:「冇可能唔係我嚟!」又謂當晚與子女在家看該節目,小朋友都認錯Carman是他,問他:「爹哋係咪輸咗啦?點解爹哋去咗邊呀?」輝智續謂:「我睇完係超開心!有啲人話驚我會唔會嬲,我點會嬲呀?我心諗點會嬲呀,開心到爆呀!」

輝智話當晚睇到開心到爆。
輝智話當晚睇到開心到爆。

Carman爆料決賽當日有人告知她譚輝智真的來了,原來對方是見到扮了輝智的她誤會了,再來告知她,超搞笑。輝智即謂想見一次Carman扮他的真身;Carman則表示想跟輝智一齊同台。隨後,譚輝智與痰輝智同框跳唱《屈到病》,二人跳得開心盡興,輝智在鏡頭前承諾:「呢條片爆嘅話,佢(指Carman)會再變身痰輝智,一百萬(點擊)啦!」

陳卓賢 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹