譚旻萱（Mandy）最近獲得大型連鎖餐廳邀請拍攝廣告，大賣青春無敵本色的同時，更是首次踏進錄音室，為全新廣告主唱廣告歌，她笑說：「今次拍攝廣告要唱廣告歌，真係非常之有挑戰性，最初聽到首歌嘅demo時，會覺得自己唔會唱到咁高嘅音域，而且係用唔少真聲，加上要配合返好有活力、開心嘅energy，冇得降key，所以對我嚟講真係好大挑戰。去到錄音室嘅時候真係會覺得自己冇可能做到，一開始都唔係太順利，不過唱順咗又OK喎！好驚喜！好自豪自己可以過到呢關，係一個對自己嚟講好大嘅挑戰。人生第一次唱歌表演，真係好有成就感。」
今次廣告拍攝為期四天，包括到沙灘、影樓、天台等地取景，Mandy被安排在沙灘上高舉滑浪板奔跑、拿着咪高峰又唱又跳等，在炎夏中拍攝，Mandy大呼「好爽」，她說：「真心好爽！出一身汗，感覺就好似做完運動，夜晚食多少少都OK嘛，嘻嘻。」
談到唱歌，Mandy表示是人生的一大挑戰，最終能順利完成，而在拍攝又唱又跳時，她更使出從前輩張敬軒演唱會中學到的「韓式呼吸」，她笑說：「我睇張敬軒前輩演唱會時，佢講過而家興男團假呼吸，我而家就係熱血地唱、動漫式呼吸，好好玩，一啲都唔辛苦。」