Advertisement

許廷鏗戶外騷尾場不捨爆喊 向欣宜下戰書明年一齊跳唱

本地
2023.12.27
撰文:孜卓芹
許廷鏗被取笑大喊十。
許廷鏗被取笑大喊十。

許廷鏗(Alfred)昨晚舉行戶外演唱會尾場,請來COLLAR成員邱彥筒(Marf)與李芯駖、楊安妮(Win Win)及鄧小巧擔任演出嘉賓。自嘲是老人家的Alfred與Marf、芯駖合唱完《青春頌》後,揚言要挑戰COLLAR快歌《OFF/ON》。他跳唱完後說︰「原來依家啲咁難唱!」Alfred讚Marf與芯駖參與《全民造星IV》時思想成熟,Marf會反過來會關心他這個導師,芯駖就予人穩定軍心的感覺,兩女現在均可獨當一面。芯駖笑言︰「今晚好似爸爸帶個女參加畢業禮。」Marf讚Alfred愈來愈瘦及年輕,不能當爸爸。Alfred問︰「你係話我返老還童?做咩話我唔可以做爸爸!」

與Marf、芯駖合唱。
與Marf、芯駖合唱。

與鄧小巧合唱時哽咽爆喊的Alfred,被對方取笑是「大喊十」,Alfred說︰「我以前唔係咁,或者人愈大愈發覺其實唔容易。我同小巧成日去Joyce(鄭欣宜)屋企,話如果有無限製作費及投資者支持做騷,你哋不約而同好興奮話做幾多場都得!可能我太理性,心諗如果要做好多場演唱會,把聲未必可以負荷到,但今次係我人生首次連續嘅三場演唱會,反而覺得唔夠喉。」

Alfred騷後受訪時坦言不捨得舞台,有計劃開Part 2。Alfred為這次演唱會減肥20磅,對跳舞真的有幫助。就Joyce沒有當演出嘉賓,Alfred說不會有遺憾,希望下次在室內場地開騷時可找Joyce一起跳唱。Alfred話Joyce有送花籃支持,亦有傳短訊搞喊他:「我好想同Joyce下個挑戰書,希望2024年同佢一齊玩跳唱 ! 」

Alfred話要向欣宜下戰書。
Alfred話要向欣宜下戰書。
MIRROR 陳卓賢 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹