Advertisement

袁偉豪搞喊小妹妹搵老婆救亡 搞搞震遭張寶兒勒令封嘴

本地
2024.05.30
撰文:蓋比
袁偉豪和張寶兒當爸媽不過半年。
袁偉豪和張寶兒當爸媽不過半年。

一共四集的育兒真人騷節目《學神爸媽Get Set Go!》今晚(30日)開播,首集嘉賓是新手爸媽袁偉豪(Ben)與張寶兒(Bowie),及育有一對子女的吳若希(Jinny),「個案主角」是3歲小妹妹Yaris。
三位嘉賓的首個任務,要在30分鐘內氹掂Yaris一齊唱歌,並從互動中找出Yaris難湊原因。Jinny打頭陣上場,嘗試以「BB音」與Yaris拉近距離;第二位上陣的Ben則化身大細路與Yaris玩扭蛋機,之後借意問Yaris可否送他一個公仔,可惜Yaris扯到實唔願放手,Ben最後只能出絕招作狀扮喊搏同情。最後出場的Bowie則成功以退為進氹掂Yaris合唱,是三人中唯一成功的挑戰者。

吳若希是兩孩之母。
吳若希是兩孩之母。

這個環節的亮點是,Ben出場時故作不經意地說:「嘩!有夾公仔機喎,幾好玩喎」,企圖自然地與Yaris打開話題;Jinny見狀即笑向寶兒說:「Feel到Ben哥之前點樣追求你,扮經過冇同你講嘢,但其實一路撩緊你講嘢。」任務失敗的Ben,事後更歸究於自己的留鬚及長髮造型嚇親妹妹。

其實3歲Yaris難湊的原因是同齡小朋友常見的問題—「不願意分享」,三位嘉賓的終極任務是要陪Yaris夾她最喜歡的公仔,並要扭六壬令Yaris自願親手送上公仔,難度堪稱地獄級!出名認真的Ben打頭陣,並出動「冷面湊B大法」,對着3歲的Yaris狂講大道理:「你唔好誤會以為夾到就係俾你。」一心只想要公仔唔想聽道理的Yaris即時淚腺失陷喊到「扯蝦」,Ben即時被震撼:「你放鬆啲先,喊就冇公仔喇!」最終被逼上梁山的Ben出招玩「棄權」,無晒符的他對着爆喊的Yaris說:「你行過隔籬房問Bowie姐姐可唔可以俾呢隻公仔你?」Bowie見狀即時大嗌:「搞錯,掟番個波俾我?幻想到未來係點!」

張寶兒一出場就又攬又安慰,溫柔嘅母愛滲晒出嚟。
張寶兒一出場就又攬又安慰,溫柔嘅母愛滲晒出嚟。

被擺上枱的Bowie登場救亡,一出場便極盡溫柔地攬着Yaris連番安慰,豈料就在快要成功一刻、「心急豬隊友」Ben又出現「搞搞震」,他先向Yaris說:「快啲問Bowie姐姐可唔可以送(個公仔)俾你喇。」再向Bowie說:「佢想要呀,送俾佢啦!」雖然Ben心底一心想實際地「送公仔」氹番Yaris,但由於打斷Bowie原本悉心部署,遭老婆即時勒令封嘴:「你唔好嘈住先,你俾佢自己講啦,喊都唔俾人喊!」最終Bowie以一招成功冧掂Yaris唔再喊兼平伏情緒,連有七年湊小朋友經驗的Jinny亦甘拜下風謂:「Bowie將會係非常非常好嘅媽媽!」

姜濤 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹