Advertisement

衛詩雅又再被恭喜冇尷尬 薛家燕享受拍拖拒再婚

本地
2024.03.15
撰文:孜卓芹
薛家燕與衛詩雅再見面沒任何誤會了。
薛家燕與衛詩雅再見面沒任何誤會了。

衛詩雅(Michelle)早前到電台受訪,被薛家燕誤認為陳家樂老婆連詩雅,公開恭喜她有喜,爆笑全場。正所謂不打不相識,Michelle轉過來邀請家燕姐作客她的網上飲食節目《衛食攻略》,已於昨晚(14日)上架

今集節目一開始,Michelle便裝到神色凝重,對着家燕姐說:「我哋之前有啲誤會。」家燕姐立即又向Michelle恭喜,「衞詩雅,恭喜你提名最佳女主角!」Michelle立即捉着家燕姐雙手錫錫,「多謝你,家燕姐。」家燕姐重提舊事,「哎呀!真係尷尬啦,我仲摸你個肚啊。」兩人隨即大笑。

當日家燕姐認錯衛詩雅超搞笑。
當日家燕姐認錯衛詩雅超搞笑。

席間Michelle向家燕姐請教保養秘訣,家燕姐表示湯水及充足的睡眠十分重要,「我瞓四、五個鐘就夠㗎啦,但我隨時叉電,我即刻可以瞓到,可能係自細養成。」童星出身的家燕姐,經常趁未埋位補眠,為免整亂頭髮,習慣了可以睡但不會亂動。

這時Michelle八卦起來,問到家燕姐的感情生活,家燕展露出一個尷尬而不失禮的笑容說道:「有拍拖,有人知道我有個朋友仔細過我嘅,咁我梗係好保護關係啦,因為佢唔係我哋呢行。其實我咁嘅年紀,我唔會諗住再結婚,佢希望想結啦。」然後繼續大爆料,「可能人哋想有小朋友,但係我收咗經啦嘛!哈哈!我食咗靜心,吖!真係呀!唔使諗㗎啦嗰啲,哈哈。」

家燕姐話有拍拖但不再婚了。
家燕姐話有拍拖但不再婚了。

家燕姐又跟Michelle分享如何玩social media:「我個女幫我上連登,我問佢而家潮流興啲乜嘢,我就會盡量去做,好似《Flower》,我啲學生話:『家燕媽媽我哋全部都識跳。』我唔識跳會好瘀㗎嘛,自己又係校監。」至於「Captain Nancy」,家燕姐解說:「我覺得拎住個盾,嘩!好正喎!啲人就話呢粒墨係發光嘅,我影咗之後,咦?不如整個『Captain Nancy』啦,你就拉到一班年輕嘅觀眾啦。」

家燕姐以自身經驗「寄語」Michelle,不要在廁所瀏覽社交平台,「因為有一次我喺廁所睇Facebook,唔小心撳咗live個掣,哈哈!我兩個女,『嘩!媽咪你做乜嘢呀?你做乜喺廁所Facebook live!』嗰刻唔係好多人睇咗啫,我係大頭咁坐喺度,做緊一件好大嘅事!」

不少fans都會送偶像禮物,問到家燕姐收過最名貴的禮物?家燕姐坦言收過鑽石、金牌,試過有影迷幫她戴金牌,重到連件衫都撕爛了,當年亦很流行送銀紙牌。

姜濤 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹