Advertisement

衛詩雅包場請粉絲睇戲 狂讚金燕玲做戲好犀利

本地
2023.12.07
撰文:卡林
Michelle日前自掏腰包,豪請一班來自她頻道「衛食攻略」的粉絲,包場觀看自己主演的電影《不日成婚2》。

衛詩雅(Michelle)日前自掏腰包,豪請一班來自她頻道「衛食攻略」的粉絲,包場觀看自己主演的電影《不日成婚2》。Michelle提到首次跟金燕玲合作,獲益良多,更大爆當中一場戲令她大開眼界,她說:「最後一場戲,我同金姐姐、家樂三個一齊,個氣氛係開心嘅,唔係而家睇到個version咁激動,take咗幾take之後,導演就同金姐姐講,演一個激動啲嘅版本,佢就做咗呢個version出嚟,係幾震撼。」

Michelle表示連現場男工作人員都眼濕濕:「我問番姐姐,『其實你有冇預咗導演無端端俾個咁嘅指示你?』金姐姐就話:『哎!我就係成日做呢啲戲,大家都傷害我嘅鍾意,咁我就特登做另一個方法,想呢套戲有啲唔同,哎!啲導演又係鍾意呢啲嘢。』好犀利!金姐姐確實係好犀利!」隨後Michelle透露快將接拍新戲,不過造型及題材都要保密,「呢套電影對我嚟講係好大挑戰,應該一月中嘅時候會有記者會,到時就會揭盅,例如我會有乜嘢唔同、電影係乜嘢題材,唔知你哋鍾唔鍾意,我諗你哋都會鍾意嘅。」

陳卓賢 星級企業大獎2020 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹