Advertisement

蘇施黃親爆患大腸癌第三期 下月接受化療 靠食物保持開朗

本地
2022.10.24
撰文:齊森

screenshot-2022-10-24-194215

現年67歲的蘇施黃於上周四(20日)在自家YouTube頻道「教煮蘇 This is So good」上載新片,並公布自己患有第三期大腸癌。影片可見阿蘇當時身在醫院,原來她是上月(26日)入院做檢查,發現患大腸癌後即接受手術,住了8日醫院,並在出院前一日拍片講述情況。

阿蘇指當初因為屙血,情況就如生痔瘡:「屙三幾日停,個幾月後又屙鮮血,但唔痛,會係乜呢?再去睇醫生,醫生話穩陣啲照腸好。」所以遂安排入院照心照肺照腸照胃,報告出來發現患大腸癌,要即時接受手術。她指到第三日要求不要吊鹽水,全因她很喜歡吃東西:「拔晒啲尿喉鹽水喉進食,自己喺病房行來行去,行一陣發現房太細,行出走廊,特登用手擺腰後面,挺直啲行,傷口因為微創,郁來郁去唔係好痛。」她又感謝醫生及護士護理人員,亦大讚醫院的飲食。

OLYMPUS DIGITAL CAMERA

她又指即使患上大腸癌第三期,最重要保持心境開朗,並透露將會在下月接受化療:「一個人覺得自己病就好病,但當你覺得同正常人一樣就一樣,我開咗刀,咁大個症,仍然笑口噬噬,最緊要心境開朗,全靠食物,我而家仲有大考驗,因為仲要做化療,唔緊要,化療完又擦過,朋友話化療前先吃為敬,化療後再吃為敬。」

阿蘇曾於2005年戰勝乳癌,對於要再一次面對病魔,她充滿正能量地在影片留言區表示:「喺醫院食得好,有病變冇病,鬼打冇咁精神!」網友們都紛紛祝她早日康復!

聲夢傳奇 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹