Advertisement

薛家燕自爆曾誤將阿Lam當阿Sam 揭拍《食神》被周星馳叫即興跳舞

本地
2024.04.05
撰文:孜卓芹
家燕姐自爆烏龍事。
家燕姐自爆烏龍事。

薛家燕、林敏驄、棟篤笑演員Vivek Mahbubani作客今晚(5日)一集《Mayanne小喇叭》節目,主題是「喜劇人生」。之前家燕姐已因搞錯連詩雅與衛詩雅講錯「恭喜」大派笑彈,節目中,家燕姐再爆出陳年烏龍搞笑事,當時被認錯的人竟是林子祥。家燕姐笑言:「有一次,我請咗個Superstar,我介紹佢出場時話:『掌聲歡迎阿Sam』,我講完就哈哈哈(邊說邊做出拍手動作)。個Superstar出嚟嘅時候就話,我叫阿Lam(邊說邊哈哈大笑),林子祥呀!我即刻哎吔,瘀晒喇,咁就全場笑到不得了。」

除了烏龍事,家燕姐還分享了當年拍攝電影《食神》時的珍貴花絮,並指是被星爺啟發喜感:「其實我唔知自己有喜感,直到星爺搵我拍《食神》,我問佢攞劇本攞咗個零兩個禮拜都未有,到(拍)嗰日我就話:『星仔呀!你有冇劇本呀?』佢就話:『家燕姐,我想問吓你,你係咪好鍾意跳舞㗎?』我就話係,六、七十年代嗰時。佢就話:『喂!跳嚟睇吓』,我咪跳幾吓咯,跟住佢就叫我等等,裝完幾部機再話:『嗱!你由呢度跳去嗰度,盡量發揮你嘅跳舞』,嗰part舞就係咁跳出嚟,跳到我自己嗌cut,佢唔嗌cut,同埋冇音樂㗎喎,佢搵個茶杯同筷子喺度敲。」節目中還播放了當年家燕姐與王祖藍及曾志偉的經典「潘今年」、「潘舊年」及「潘明年」扮相,由於王祖藍全程忍俊不禁,結果效果比志偉更爆笑,家燕姐還會拆解當年三人雙眼黐膠紙之謎!

 呢個「潘氏姊妹花」造型好經典。
呢個「潘氏姊妹花」造型好經典。

至於林敏驄更難得一本正經大談喜劇演員之路,及與好拍檔曾志偉昔日合作點滴。

阿驄仲會講番同曾志偉嘅合作趣事。
阿驄仲會講番同曾志偉嘅合作趣事。
MIRROR 聲夢傳奇 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹