Advertisement

薛家燕到酒樓給長者獻唱 自言人生使命是分享快樂

本地
2024.05.08
撰文:孜卓芹攝影:Samuel
薛家燕唱歌同時教大家跳十字步。
薛家燕唱歌同時教大家跳十字步。
【今日睇咗未?】張寶兒袁偉豪撇甩囝囝 為奶奶慶生食好西|薛家燕到酒樓給長者獻唱 自言人生使命是分享快樂(08/05/2024)

薛家燕今日(8日)到美孚出席「家燕媽媽肺事話你知」活動,大受現場的長者歡迎。期間演出短劇,透過故事以輕鬆手法分享健康資訊,她說:「你哋細細個就睇我做戲,我細細個就做戲㗎啦,多謝大家嘅支持,我哋最緊要身體健健,咁就皆大歡喜啦!」
家燕媽媽隨即獻唱經典作品《皆大歡喜》兼大跳十字步:「呢個係好健康嘅運動嚟㗎,大家都要跳多啲。」為現場帶來愉快氣氛。家燕媽媽又向在場長者獻花,提早分享母親節的溫馨暖意。她自言早已是長者行列,自己亦希望健康點繼續有活力,為大家帶來歡樂。

家燕姐樂於為大家帶朲歡樂。
家燕姐樂於為大家帶朲歡樂。

家燕姐於活動後受訪,她坦言平日很少到茶樓獻唱:「今日係好特別嘅,因為我知道有啲老人家已經九十幾歲,真係睇住我長大,見到佢哋特別有親切感,所以今日真係好值得嚟,同大家分享啲健康資訊。」她指許多疾病亦會影響肺部,很需要大家的關注:「長者最緊要身體健康,我哋健康,屋企人都安心快樂。我真係好忙㗎,仔女又大晒,工作又接唔停,有時個女都要幫我推咗啲工作,不過我自己有個使命,覺得要同大家分享快樂,所以最緊身體健康。」

家燕姐獻花給長者。
家燕姐獻花給長者。

家燕姐表示現在因為工作關係,經常到不同地方拍攝及演出,忙碌得來很享受。又開學校又有個人品牌的她透露,希望稍後親自設計長者服裝。「好多人話我成日著到彩色咁,人真係要著得彩色啲先開心,尤其長者,我希望我嘅衫可以令佢哋著得青春可人、有活力。」

至於星期日(12日)的母親節,家燕姐將與四位視帝到新加坡:「我會同羅嘉良、黎耀祥、馬德鐘、陳展鵬去新加坡表演,佢哋個個都帶埋老婆去,咁我就帶埋仔女、新抱同個孫去,順便周圍玩吓。我個孫好有表演慾,所以我都同佢練咗首歌,到時喺台上唱俾大家聽。」

星級企業大獎2020 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹