薛家燕上周與四位TVB視帝羅嘉良、黎耀祥、陳展鵬、馬德鐘到新加坡登台，她還與孫仔Julian同台表演，度過了一個難忘的母親節，她在社交平台分享照片，並興奮地表示：「今個母親節我真係三喜臨門呀！唔單止可以同Julian同台表演，仲收到黎耀祥、馬德鐘、陳展鵬、羅嘉良四位視帝送嘅花，更重要係同到一眾新加坡嘅朋友一齊過節，我真係覺得特別幸福！大家鍾唔鍾意我哋嘅演出呀？各位嘅歡呼聲真係俾到好多嘅鼓勵同動力我，好多謝大家嚟同我哋開母親節Party，希望我哋可以好快再見。」
家燕姐登台的日子適逢母親節，她除了帶同孫仔Julian一同表演，囝囝石耀庭及新抱Zoe、囡囡石耀珠都有隨行，順道慶祝母親節。她又相約陳展鵬一家三口到環球影城遊玩，表示：「今次難得可以同屋企人一齊出埠登台，我趁工作空檔同埋展鵬一家人去咗環球影城。第一次嚟新加坡嘅Julian勁開心，玩到唔捨得走添呀！」家燕姐又透露母親節送到仔女送的禮物，並送上遲來的祝福：「你哋身體健康就係最好嘅禮物，希望你哋都事事順利、日日都咁開心！再次祝全天下嘅媽媽，母親節快樂！」
