Advertisement

葉振棠憶小四患兩大病致視覺神經壞死 眼疾糾纏近70年保持樂觀性格

本地
2024.05.25

y17
現年80歲的殿堂級歌手葉振棠(棠哥),將於6月23日以80歲高齡舉行首個紅館騷《葉振棠 80告別樂壇演唱會》,近日他接受雷霆881商業一台《星光背後》專訪,除了透露曾申請8次紅館檔期不獲批外,更自揭眼疾影響他大半生,以及他曾赴加國遍尋名醫無效,亦不曾心灰的心路歷程。

棠哥患上眼疾近70年,雖現時只餘下正常人10%視力,他仍樂觀追夢。在節目中,棠哥自揭讀小四時身在澳門患眼疾的起因,「當年因為媽咪冇依家呢代媽咪咁醒,以為細路仔發燒好閒,唔知我嗰次發燒係大病,原來係傷寒同猩紅熱兩種大病一齊夾擊,發覺遲就燒壞咗啲神經。」棠哥又指及至小六,才察覺自己眼睛出現問題,「小四果陣病瞓左兩個月病床,再返學慢慢睇黑板開始矇,到小六以為係近視,但配眼鏡都唔得!最後睇眼科話我視覺神經因為發高燒細胞壞死咗。年輕時嗰陣視力唔係依家咁差,讀中學仲睇到金庸武俠小說,但依家就一定要靠放大鏡先睇到!」隨著年紀漸大,棠哥坦承視力不斷轉差:「依家我去做檢查,驗眼師話我視力得返正常人十分之一,不過我習慣咗!」
 y14

棠哥指八十年代成名後,曾遍尋名醫希望把眼晴問題醫好,更一度遠赴加拿大,「嗰時搵到錢到加拿大登台,在當地睇過幾個眼科醫生,佢地都話無辦法,話我視覺神經細胞已經死咗,唔會再生,冇得搞。」他坦言曾擔心連僅餘的視力也失去,「但都冇辦法,都要努力活下去,而家盡量唔睇書,盡量唔好睇太嘥神嘅嘢。」

316959743_2321257558030287_7500826229307734467_n
棠哥活到80歲仍保持樂觀性格,一如他的名曲《戲劇人生》中的歌詞「快樂時要快樂」,他面對眼疾糾纏他近70年,從沒怪任何人或怨天尤人,「我都冇怨過我媽咪,其實係唔關佢事,依個可能係命運!」他透露早在讀書時期已很喜歡唱歌,中學時曾與同學組成樂團,負責彈bass,分享指其實當初由澳門來港時沒想過要唱歌,只想找一份寫字樓工作:「但因為視力唔好,好多嘢都做唔到,我仲曾經試過考警察,但係都過唔到視力嗰關。」出道至今近60年,他指最大的收穫是有一眾樂迷和好友一直支持自己。

葉振棠和葉麗儀是多年拍檔,合稱「雙葉」。
葉振棠和葉麗儀是多年拍檔,合稱「雙葉」。
+28

 

陳卓賢 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹