Advertisement

葉巧琳化身人妻狂隊酒 自爆屋企打機最展露真我

本地
2023.04.13
撰文:卡琳
whatsapp-image-2023-04-13-at-3-17-07-pm-4
Mischa在MV中,飾演一名人妻,可惜她的婚姻並不美滿,老公有外遇。

葉巧琳(Mischa)最近推出新歌《綜藝魂》,是其年度音樂企劃《The Odyssey of Freya》的前傳,故事主人翁需要面對最真實的人與事。「綜藝魂」是來自台灣的詞語,可套用在日常生活中,Mischa說:「如果同Boss相處時,總會笑面迎人,有時應該放下面具,用最真實自己面對人生,用最真實自己面對卸下面具嘅人。」在新歌MV中,Mischa飾演一名人妻,可惜她的婚姻並不美滿,老公有外遇。她說:「我這個人妻直頭係唔想面對,一直扮冇事,喺其他朋友面前,扮到係perfect family,但私底下都有好多問題,到最後究竟會否祝福老公同另一半嘅幸福?就要睇MV了,而看過以後,你會更明白Freya走入虛擬世界的原因。」

whatsapp-image-2023-04-13-at-3-17-07-pm-3
Mischa酒量好好!

為了演繹那份婚姻失敗、內心空虛的感覺,Mischa在片中經常借酒消愁,但沒想到,竟然全程真飲酒!Mischa說:「我從未試過拍任何嘢係真飲酒,製作團隊竟然唔係俾利賓納我飲而係真酒,其中一幕我更要一啖清晒佢,我諗拍到半路我已經飲咗三分一支紅酒。」

 

幸好Mischa飲酒唔會面紅,而且更可以幫助她的演出,她說:「有啲人飲酒可以吐真言同埋卸下珈鎖、面具,而我真係將自己最真實嘅嘢釋放出嚟,有一幕喺車上面喊嘅場面,飲酒都好幫到我釋放情緒。」談到戴假面具示人,Mischa表示:「認識我嘅朋友都知我比較真同直話直說,只係某啲場合需要檢點,我就會斯文起上嚟。若要睇到我真實一面,應該係我喺屋企打機嘅時候。」

 

星級企業大獎2020 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹