《萬千星輝頒獎典禮 2022》「馬來西亞最喜愛TVB男主角」 、「馬來西亞最喜愛TVB女主角」和「馬來西亞最喜愛TVB電視劇集」，最終由陳展鵬憑 《超能使者》三度封馬來西亞視帝、劉佩玥則憑《美麗戰場》爆冷封后，而《超能使者》更成為最喜愛電視劇集。
劉佩玥爆冷封后，得獎一刻與兩位姊妹陳瀅和陳曉華興奮相擁，劉佩玥直言沒有想過攞獎，她說：「入行九年，呢個獎好感動，今年兩套劇播出俾人見到更多我的另一面，我知道呢個獎係馬來西亞嘅Fans支持同讚賞，感覺真係好重，但會繼續行落去，演好每個角色。（會否多謝緋聞男友周志文？）都會多謝！（頭先台上？）好少時間，我想多謝埋所有朋友，佢係我其中一個朋友。」
